Регион
Американците сакале да го стават Добрица Ќосиќ на чело на Југославија по Тито
Првиот претседател на Сојузна Република Југославија и книжевник Добрица Ќосиќ, бил изборот на Американците и Русите, за наследник на Тито по неговата смрт во бурното време за Европа кое доведе и до пад на Берлинскиот ѕид.
Првиот претседател на Сојузна Република Југославија и книжевник Добрица Ќосиќ, бил изборот на Американците и Русите, за наследник на Тито по неговата смрт во бурното време за Европа кое доведе и до пад на Берлинскиот ѕид.
„Двесетина дена по смртта на Тито ме повика мојот издавач од Америка итно да отпатувам за Лондон. Заедно со својата ќерка која одлично зборува англиски отидовме во британската престолнина. Отидов во најнормален хотел и се јавив на издавачот кој не повика на ручек“, вели Ќосиќ, што се дознава од тајни документи на ЦИА, кои протекоа во јавноста.Издавачот, Вилијам Јовановиќ, кој тогаш го издалав „Време на смртта“, на српски и на англиски јазик, ги повел на прошетка по Лондон, низ улиците во најголемиот шпиц, пренесува Телеграф.„Веднаш да ви биде јасно, јас сум претставник на ЦИА, и ви пренесувам порака од Андропов и американската влада. Американската и советската влада сакаат да најдат заменик за Тито. Имаше двајца кандидати, Милован Џилас и вие. Заклучија дека вие сте помлад и попопуларен. Нашата служба, американската и советската сметаат дека треба да се работи на тоа вие да го замените Тито и да ја преземете власта во Југославија“, му рекол Јовановиќ на Ќосиќ, кого овие зборови го изненадиле.„Ја одбив понудата на Тито, ја одбивам и вашата затоа што ги немам потребните способности. Како може да ви падне на памет еден писател, потполно неквалификуван, да може да го замени Тито. Како, воопшто, може да се замени Тито“, прашал Ќосиќ.Уште пофасцинантно е што му одговорил Јовановиќ.„Нема вие што да работите. Тоа се ќе работат службите. Вие само треба да се согласите и да се однесувате според приликите како што ние ќе процениме. Ќе работиме и на тоа да ја добиете Нобеловата награда за книжевност“, му рекол Јовановиќ./крај/ј/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.