Регион
Австрија се залага за европската перспектива на западен Балкан

Шефот на австриската дипломатија, Себастијан Курц во вторникот изјавил дека Австрија и натаму ќе се залага за европската перспектива на земјите од западен Балкан.
Говорејќи пред австриските амбасадори од целиот свет, Курц во Виена порачал дека интеграцијата на земјите од регионот е еден од неговите приоритетите.
„Овој став не е секогаш популарен, но е исправен. Австрија е тесно поврзана со земјите од западен Балкан. Наголемата група на имигранти во Австрија е од овој регион, а покрај тоа, австриската економија е најважниот инвеститор за овие земји“, објаснил австрискиот министер за надворешни работи.
Курц се осврнал и на состојбата со Русија, потенцирајќи дека Австрија мора да се подготви за посериозни мерки кон Москва. Во однос на судирите во Ирак пак, Курц им дал поддршка на оние кои се борат против терористите на Исламската држава на Ирак и Сирија (ISIS).
Курц изразил загриженост поради тоа што „илјадници Европејци“ одат во „света војна“, оценувајќи дека претставува внатрешнополитички предизвик за цела Европска унија. Меѓутоа, австрискиот министер додал дека не смее да се направи грешка и сите муслимани да се ставаат во ист кош, бидејќи повеќето од нив се добро интегрирани./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин