Регион
Бугарскиот претседател ќе го распушти парламентот во август, на штедачите им порача дека парите им се сигурни
Бугарскиот претседател Росен Плевнелиев изјави дека има намера да го распушти 42-то Народно собрание (парламентот) и да назначи привремена влада на 6-ти август, откако претходно во неделата водеше четиричасовни преговори со челниците на политичките партии, а граѓаните им порача дека нивните заштеди во банките се сигурни и дека државата гарантира за нив, изјава зад која застанаа главните политички партии и централната банка по навалицата на штедачите на шалтерите на двете најголеми банки во земјата.
Претходно водечките партии во Бугарија се согласија предвремените парламентарни избори да се одржат на 5-ти октомври речиси една година по одржувањето на исто така предвремените избори. Бугарските политичари на консултациите во неделата постигнале согласно дека во сегашниот состав на парламентот не е можно да се формира нова влада.Плевнелиев на прес-конференцијата исто така се осврна на повлекувањето на парите на бугарските штедачи од банките, што предизвика стравување за финансиската стабилност на најсиромашната членка на Европската унија, а ги натера властите со сите сили да им покажат на граѓаните дека ја контролираат ситуацијата пред повторното отворање на банкарските шалтери во понеделник.Централната банка на Бугарија соопшти дека навалицата на штедачите во Деловната комерцијална банка (Корпбанк) и во Првата инвестициска банка е дел од намерните и систематски обиди да се дестабилизира бугарскиот банкарски систем. Најави дека ќе ги преземе сите мерки за заштита на заштедите на граѓаните.„Парите на граѓаните и на компаниите во бугарските банки се сигурни и гарантирани. Банките ќе продолжат нормално да работат“, изјави претседателот Плевнелиев на истата прес-конференција, по повеќечасовните разговори со челниците на политичките партии, министерот за финансии и водечките луѓе на централната банка.Банкарската криза во Бугарија се совпадна со политичката нестабилност предизвикана со најавата на премиерот Пламен Орешарски поддржана од социјалистите дека ќе поднесе оставка и ќе предложи вонредни парламентарни избори.Властите покренаа истрага за тоа кој стои зад шпекулациите кои предизвикаа страв кај штедачите на банките, односно кој испраќал електронска пошта и телефонски пораки поттикнувајќи го стравот за нивните штедни влогови.Централната банка минатиот викенд ја презема контролата врз четвртата најголема бугарска банка „Корпбанк“, откако штедачите поттикнати од медиумските натписи за сомнителни трансакции на оваа банка побрза на шалтерите и ги повлекуваа своите заштеди. Управата на банката во меѓувреме демантираше лошо работење.Меѓутоа, според аналитичарите, случајот со „Корпбанк“ и откри сите слабости со економското управување во Бугарија. Земјата во 2007 година влезе во Европската унија, но не успеа да се ослободи од корупцијата којашто го отежнува спроведувањето на реформите за заживување на кревката национална економија. Сепак, и покрај политичките и економски проблеми, бугарските и странските економисти сметаа дека на Бугарија не ѝ се заканува економски крах. Бугарија е една од најмалку задолжените членки на ЕУ, нејзината централна банка се смета за ефикасна, а курсот на националната валута левот е врзан за еврото што значи дека е заштитен од кризата на финансиските пазари./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: Ќе се повлечам од политиката 10 години под еден услов
Милорад Додик, на кој Централната изборна комисија на Босна и Херцеговина му го одзеде мандатот како претседател на Република Српска врз основа на конечна пресуда на Судот на Босна и Херцеговина, понуди да се повлече од функцијата во парламентот на РС на десет години под услов претставниците да ја поддржат одлуката за распишување на претседателските избори од страна на ентитетската изборна комисија, а не од Централната изборна комисија.
„Предлагам претседателот на ентитетската изборна комисија да биде од СДС или ПДП. Но, вие нема да го направите тоа. Вие сакате Централната изборна комисија да ги брои гласовите“, рече Додик.
Тој тврди дека Централната изборна комисија нема овластување да распишува предвремени избори или да му го одземе мандатот: „Централната изборна комисија не може да распишува избори, тоа може да го направи само ентитетската изборна комисија. Нема да добиете нов претседател ако Централната изборна комисија распише избори“, рече Додик.
Тој ја отфрли пресудата на Судот на Босна и Херцеговина, тврдејќи дека станува збор за политички прогон поради неговото противење на префрлањето на државниот имот на ниво на Босна и Херцеговина. Тој ја обвини меѓународната заедница и дел од бошњачката политичка елита дека го оспоруваат Уставот на РС, а опозицијата дека работи против интересите на ентитетот.
Тој уште еднаш го оспори легитимитетот на високиот претставник во Босна и Херцеговина, Кристијан Шмит, и неговите таканаречени бонски овластувања, врз основа на кои беше осуден. „Ние го внесовме нашиот суверенитет во Босна и Херцеговина, имавме своја држава. Милорад Додик не е РС, но Додик е претседател на РС“, рече Додик, нарекувајќи го Дејтонскиот договор „измама за српскиот народ“.
фото: принтскрин
Регион
(Видео) Вучиќ објави снимка, им даде понуда на студентите, доби веднаш одговор
Српскиот претседател Александар Вучиќ им се обрати на студентите кои речиси осум месеци протестираат против неговиот режим и ги покани нивните претставници на јавна ТВ дебата.
„Предлагам разговор и дебата на сите наши телевизии и портали, со легитимни претставници што тие ќе ги изберат. Подготвен сум да влезам во дијалог, дебата јавно, со тројца или четворица кои размислуваат поинаку. Тие имаат право да го бараат ова од својот претседател, вклучувајќи избори и сè друго“, рече Вучиќ.
Тој додаде дека целта не е да се победи во дебатата, туку да се најде решение заедно: „Време е секој од нас да си ги покаже своите лица, да се покажат нашите лица и програми. Сакам борба за визии, борба за иднината, да го решиме ова преку дијалог и разговор, без конфликти и насилство. Да ја обновиме земјата и да ја вратиме на вистинскиот пат. Ќе се потрудам да покажам тоа почитување“, напиша тој на Инстаграм.
Можда кад распишеш изборе!@avucic pic.twitter.com/cNZE2Ko6LR
— Poljoprivredni blokada (@agrifblokira) August 22, 2025
Реакцијата на студентите дојде брзо. Студентите на Земјоделскиот факултет во Белград накратко твитнаа: „Можеби кога ќе распишете избори!“
Predsednik nas je pozvao na javnu debatu. Očigledno da nema odgovor na narodni bunt, pa bi sad i da razgovara sa nama koje mesecima naziva teroristima. O vizijama i programima za budućnost ćemo debatovati, u predizbornoj kampanji, kad raspiše izbore.
— Filozofi u Blokadi (@FFUBublokadi) August 22, 2025
Студентите од Филозофскиот факултет, исто така, се изјаснија: „Претседателот нè покани на јавна дебата. Очигледно, тој нема одговор на народното востание, па сега би разговарал со нас, кои со месеци ги нарекува терористи. Ќе дебатираме за визиите и програмите за иднината во изборната кампања, кога ќе распише избори.“
фото: принтскрин
Регион
Две жени се удавија во морето во Бугарија
Два смртни случаја во вода се регистрирани денес на јужниот брег на Црното Море.
Околу 12.50 часот 56-годишна жена од Софија се удавила во незаштитениот дел од плажата „Делфин“ во близина на Ахтопол.
Еден час подоцна, околу 13.20 часот, на јужната плажа во Поморие, во морето почина 72-годишна туристка од Финска, која пристигнала во Бугарија на 16 август со својот сопруг.
Во двата случаја телата се однесени на обдукција во Одделот за судска медицина при Универзитетската болница во Бургас. Работата за расветлување на околностите продолжува.
Алиу вети транспарентност, граѓаните ќе знаат кој го помага македонското здравство
Министерството за здравство воведе нов електронски модул за транспарентен преглед на донациите во здравството, со кој јавноста ќе може во...
(Видео) Телохранителите на Путин земаат сѐ, дури и урината и изметот на претседателот и го носат во Русија
Обезбедувањето на рускиот претседател Владимир Путин секогаш е предмет на големо внимание на социјалните медиуми од различни причини. Сега, тие...
Попладне дожд и грмежи во западните делови
Денеска времето во земјава ќе биде променливо облачно со сончеви периоди, а попладневните часови носат локален пороен дожд и ретки...
(Видео) Автобус со повеќе од 50 туристи излета од пат во САД, има загинати и повредени
Тешка сообраќајна несреќа се случи во американската држава Њујорк. Туристички автобус кој се враќал од Нијагарините водопади кон Њујорк излетал...
(Фото) Трамп: Путин сака да дојде на Светското првенство во САД
Американскиот претседател Доналд Трамп денес изјави дека рускиот претседател Владимир Путин би можел да присуствува на Светското првенство во фудбал...
Пронајден возачот кој со автомобил удри во девојчиња на тротинет и побегна од местото на несреќата
Денеска во СВР Скопје бил извршен службен разговор со Ф.Б. од село Света Петка, скопско. На 21.08.2025 во 14:30 часот...
Лавров за средбата Зеленски-Путин: Зеленски рече „не“ на сè
Украинскиот претседател Володимир Зеленски денеска изјави дека Русија прави сè што може за да спречи средба меѓу него и рускиот...
Дојранското Езеро пак ќе се полни: со соларни панели Владата ќе ги намалува трошоците за струја од 2,5 милиона евра годишно на хидросистемот „Ѓавато“
По неколкугодишен прекин, Дојранското Езеро повторно ќе се полни со свежа вода преку хидросистемот „Ѓавато“. Премиерот Христијан Мицкоски денес од...
Згаснаа животите на две девојчиња од Кичевско, се возеле со четирицикл и излетале од патот
Синоќа на локален пат во селото Колибари, Кичевско, се случи трагична несреќа со четирицикл. 15-годишно девојче од Колибари, управувајќи го...
Документацијата за Стоматолошката комора стигна во рацете на Обвинителството
Министерството за здравство соопшти дека целокупната документација и наодите од извештаите на комисиите што вршеле надзор над работата на Стоматолошката...
Поместени границите во ортопедската трансплантација – извршена најсложената трансплантација на коска на Клиниката за ортопедија
На Универзитетската клиника за ортопедија успешно е изведена најсложената трансплантација досега, со што се поместени границите на современата ортопедска хирургија...
(Видео) По десет дена борба, дождот го изгасна пожарот кај Јасен
Дождот кој заврна пред 7.00 часот утрово и врнеше нешто повеќе од два часа на подрачјето на ловиштето Јасен, помогна...
Отворена истрага: уапсен 27-годишен скопјанец за детска порнографија
Секторот за компјутерски криминал при МВР до обвинителството поднесе кривична пријава против Ф.М.(27) од Скопје, за сторено кривично дело „Производство...
Ким Џонг-ун на колена: првпат призна дека војници на Северна Кореја загинале во Русија
Севернокорејскиот лидер Ким Јонг Ун им оддаде почит на војниците кои загинаа борејќи се на страната на Русија во војната...
Зеленски: Мора да се изврши притисок врз Путин, тој не разбира ништо, освен сила
Украинскиот претседател Володимир Зеленски изјави дека мора да се изврши притисок врз рускиот претседател Владимир Путин да ја заврши војната....
Предлогот на Мицкоски за повереници е најава за враќање на авторитаризмот на Груевски, смета ДОМ
Демократска обнова на Македонија (ДОМ) реагира, како што велат, со огромна загриженост на вчерашната изјава на премиерот Христијан Мицкоски дека,...
Свечено отворени 64. Струшки вечери на поезијата
Со палење на фестивалскиот оган и читање на Константиновата Т`га за југ вчера вечер во Домот на поезијата во Струга...
(Видео) Силниот ветер ја влоши состојбата со пожарот во „Јасен“
Состојбата со пожарот во ловиштето „Јасен“ попладнево значително се влоши поради силниот ветер, информира директорот на Дирекцијата за заштита и...
Министерството за здравство формира независна меѓународна комисија по изјавата на Кедев за непотребни кардиолошки интервенции
Министерот за здравство, Азир Алиу, најави формирање комисија со експерти од три различни земји за проверка на работењето во приватните...
Тошковски го суспендирал, а Чадиева го вратила на работа командирот кој пукаше со калашников – ВМРО-ДПМНЕ го објави решението по прозивките на СДСМ
Командирот од Ропотово кој пукаше со калашников од балкон и беше суспендиран, повторно е на работа. СДСМ денес го критикуваше...
