Регион
Бундестагот го услови отворањето на првото поглавје на Србија со ЕУ
Пратениците на Христијан-демократската унија (ЦДУ) во Бундестагот, на Србија и поставиле два услови кои земјата мора да ги исполни за да го отвори првото поглавје од преговорите со Европската унија (ЕУ), пишува српскиот весник Danas.
Според српскиот весник, повикувајќи се на дипломатски избори, пратениците Андреас Шокенхоф и Ханс Јоаким Фаленски порачале дека првото поглавје од преговорите за пристапувањето на Србија во ЕУ, нема да биде отворено се додека Бриселскиот договор во целост не биде применет, и додека не бидат пронајдени и санкционирани одговорните за палењето на германската амбасада во февруари 2008 година.
Шокенхов, лидер на делегацијата од Бундестагот, отворено ставил до знаење дека „нема да има купување на време“ и дека Бриселскиот договор мора да се примени, истакнувајќи дека Белград минатата година се обврзал да го направи ова до декември 2013 година.
„Германските пратеници биле доста остри и потенцирале дека кога Берлин ќе каже нешто, тоа и го мисли, односно дека нема да се повлече од своите пораки. Така, нивните пораки не се изненадување“, објасниле изворите на Danas.
Александра Јерков, пратеничка на српската Демократска партија, која присуствувала на средбата со Шокенхоф и Фаленски, потврдила за Danas дека тие најмногу инсистирале на исполнување на двата услови.
„Претставниците на Бундестагот рекоа дека нема никакви нови барања за напредокот на Србија на патот кон ЕУ, но дека мора да се исполнат седумте претходно поставени услови. Во тој контекст, тие инсистираа на целосно спроведување на Бриселскиот договор, нагласувајќи дека се незадоволни поради тоа што српската Влада се обврзала ова да го направи до декември минатата година. Истовремено, укажале дека е неопходно да се пронајдат и казнат одговорните за палењето на германската амбасада“, навела Јерков.
Од српската Влада изјавиле дека германските пратеници за време на средбата со српскиот премиер Александар Вучиќ „покажале разбирање за политичките и економските потешкотии со кои Србија се соочува“, и дека се разговарало за економски прашања и за конкрените реформски чекори кои српската Влада планира да ги направи./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.