Регион
Чавушоглу: Трпението на Турција со Русија „има граници“
Турскиот министер за надворешни работи Мевлут Чавушоглу изјави дека трпението на Анката со Русија „има граници“ откако според негов Москва ја „предимензионирала“ реакцијата во поморскиот инцидент од неделата, пишува во понеделникот италијанскиот дневен весник Corriere della Sera, што е прва официјална реакција од турска страна.
Рускиот разурнувач „Сметливиј“ во неделата утрото бил принуден да истрела предупредувачки плотуни во северниот дел на Егејското Море за да избегне судар со турски брод „Гечицилер Балик Челик“, чијшто капетан не одговарал на претходните повици. Инцидентот се случи на 22 километри од грчкиот остров Лемнос, поради што во руското министерство за одбрана беше повикано турското воено аташе во Москва, контраадмиралот Ахмет Ѓунеш кому му беше вложен остар протест со предупредување за „можните погубни последици од несовесни дејствија“ на Анкара.
„Нашето пловило беше само рибарски чамец, се чини дека реакцијата на бродот на руската морнарица е предимензионирана“, изјави шефот за турската дипломатија Мевлут Чавушоглу во разговорот за миланска Corriere della Sera.
„Русија и Турција ќе мора повторно да ги воспостават меѓусебните односи на доверба какви што отсекогаш имавме, но нашето трпени има граници“, порачува Чавушоглу.
Инцидентот во Егејот, како и оној од понеделникот во Црното Море во кој беа повторно инволвирани пловила на двете земји, најверојатно ќе ги зголеми сериозно нарушените односи меѓу Москва и Анкара, по турското уривање на рускиот борбен авион крај сириско-турска граница минатиот месец.
Чавушглу вели дека Русија веќе се ставила во гротескна ситуација со обвинувањата на нејзиниот претседател Владимир Путин дека Турција го урнала рускиот авион за да ја заштити Исламската држава од руските воздушни напади, особено шверцувањето на нафтата на труска територија која џихадстите ја заробија во Сирија и во Ирак. „Никој во тоа не верува“, смета турскиот минсиер.
Исто така ја критикува и руската интервенција во Сирија, тврдејќи дека нејзина цел е да се подржи власта на сирискиот алавитски претседател Башар ал-Асад, а не борбата против екстремната сунитска организација Исламска држава.
„За жал, Русија во Сирија не се бори против терористите“, изјави Чавушоглу кој тврди дека наводно само 8 отсто од нејзините удари се насочени кон цели на Исламската држава, а 92 отсто против другите сунитски групи кои сакаат како Анкара да го соборат од власт Асад.
Чавушоглу, исто така, го повтори турскиот став е дека воздушните удари не се доволни да се порази Исламската држава и оти е неопходно да се вклучат и копнени сили.
Ваквото инсистирање западните сојузнички на Анкара засега го одбиваат, а тамошните коментатори сметаат дека таа е мотивирана со желбата да се сопре зацврстувањето на власта на сириските Курди кои ги населуваат областите кон границата со Турција./крајј/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.