Регион
Црна Гора во четврток и официјално станува дел од НАТО

Членките на НАТО во четврток на министерски состанок на Алијансата во Брисел ќе го потпишат протоколот за пристапувањето на Црна Гора во Северноатланската алијанса, пренесуваат црногорските медиуми.
Членките на НАТО во четврток на министерски состанок на Алијансата во Брисел ќе го потпишат протоколот за пристапувањето на Црна Гора во Северноатланската алијанса, пренесуваат црногорските медиуми.
Црногорскиот премиер Мило Ѓукановиќ на покана на генералниот секретар на НАТО, Јенс Столтенбер ќе присуствува на официјалното потпишување на пристапниот протокол а потоа како претставник на Црна Гора за првпат ќе присуствува на работните состаноци на НАТО, на кои ќе се разговара за актуелните безбедносни предизвици.
Националниот координатор на Црна Гора за НАТО, Веско Гарчевиќ изјавил дека со потпишувањето на протоколот се отвора завршната фаза за членството на НАТО, откако тој потоа треба да биде ратификуван од 28-те членки на Алијансата и црногорското Собрание.
Потпишувањето на протоколот ќе и овозможи на Црна Гора да учествува во работата на сите тела на НАТО на ниво на министри за надворешни работи. Црна Гора минатиот декември доби покана за да стане членка на НАТО и поддршката на јавноста за членство во Алијансата се движи околу 48 отсто, а против членството во Алијансата е дел од опозицијата, која се залага за поблиски врски со Русија и Србија и бара референдум за членството во НАТО./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.