Регион
Љубовната приказна на Адмира и Бошко трае и 23 години од смртта
Симболот на војната во Босна и Херцеговина и 23 години останува приказната за трагичната смрт на Муслиманката Адмира Исмиќ и Србинот Бошко Бркиќ кои беа убиени на 18 мај 1993 година на Врбањ мост, додека држејќи се за рака се обиделе да побегнат од Сараево.
За нив се напишани стотици статии, снимени се неколку документарни филмови и песни.Мајката на Бошко, Радмила од 1992 година живее во селото Ѓунис, во близина на Крушевац во Србија каде заминала со својот сопруг и постариот син од Сараево, кога почнала војната. Бошко не сакал да бега и останал во Сараево со Адмира.Таа за српски „Блиц“ раскажува дека двајцата се запознале во гимназија и почнале да се забавуваат за Нова година. Заедно биле девет години, а за нивната љубов знаеле сите и никој не ги осудувал затоа што биле од различна националност.Откако семејството на Бошко заминало од Сараево, тој останал кај Адмира, но исцрпени од постојаното гранатирање, стравот од снајперите и криминалците кои навечер вршеле рација, Бошко и Адмира одлучиле да заминат од Сараево. Бошко имал план на Грбавица којашто ја контролирала српската страна да се префрли во хуманитарно движење кое циркулирало меѓу српската и муслиманската територија. „Ни ден дене не знам зошто одлучиле да заминат од Сараево. Бошко имаше доста пријатели муслимани и со никој немаше проблем. Баба ѝ ја молела Адмира да не заминува, дека Србите ќе ја силуваат и ќе ја убијат, но таа била одлучна бидејќи Бошко останал заради нејзе во Сараево“, изјавила Радмила. Но двајцата љубовници не успеале да заминат, биле убиени со снајпери. Безживотните тела лежеле прегрнати на мостот седум дена додека Муслиманите и Србите се обвинувале меѓу себе дека не можат да ги тргнат бидејќи другите пукаат. Биле погребани на 23 мај на Грбавица, а три години подоцна телата се префрлени во Сараево и биле закопани заедно. Се уште не е откриено кој точно пукал и ги убил иако постојат многу сомневања. „Сѐ уште не можам да сфатам што се случило. Народот не сакаше војна. Живеевме убаво не водевме сметка кој од која вера е и националност. Некои поголеми сили го спремија ова“, рекла Радмила./крај/мф
Извор: Blic
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.