Регион
Дајселблум: Невозможно е да се отпише долгот на Грција
Отпишувањето на номиналната вредност на долгот на Грција ќе биде политичко невозможно, дури и во случај на репрограмирање на отплатата на кредитите, оценил претседателот на еврогрупата Јероен Дајселблум во интервју за париски Monde.
„Расправата за репрограмињето на долгот не е табу. Единствената работа која е политички невозможна е бришењето на неговата номинална вредност (320 милијарди евра)“, изјавил Дајселблум, потсетувајќи дека за „олеснувањето“ на долгот се разговорало во 2012 година на европско ниво, под услов грчката влада да ги исполни барањата кои и беа поставени од нејзините партнери.
„Олеснувањето“ на грчкиот долг би можело да се изврши преку репрограмирање или размена на хартиите од вредност. Бришењето би било радикален потег кој би ги принудил кредиторите на Грција – европските земји, Меѓународниот монетарен фонд (ММФ) и Европската централна банка, да прифатат загуба на своја сметка.
Во интервју, кое во петок ќе го емитува FRANCE24, еврокомесарот за економски прашања Пјер Московици исто така рекол дека „прашањето на грчкиот долг ќе биде третирано подоцна“, но не како „кратење“ или отпишување на долгот, нешто што Европејците не сакаат да биде направено.
„Засега да се фокусираме на основното, на реформите. После тоа не можеме да се лажеме, европските институции одат рака под рака“, додал Московици.
Левичарската партија СИРИЗА, која е на власт во Грција, водеше кампања за бришење на барем дел од долгот на Грција, кој претставува повеќе од 175 проценти од нејзиниот бруто-домашен производ, односно вредност која нејзината економија ја создава за една година.
Тоа прашање подоцна беше и во позадина на преговорите на грчката Влада со кредиторите кои беа повеќе фокусирани на ликвидноста која и е потребна на Атина, која се наоѓа, пак, под закана од финансиско давење во многу краток рок.
Прашањето за грчкиот долг е повторно на тапет овие денови, а тоа создава напнатост особено меѓу доверителите на Атина, посебно ММФ кој се залага за делумно бришење на долгот и Европејците, за кои постои „црвена линија“, на која укажал Дјселблум./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.