Регион
Давутоглу: Турција ќе ги урне сите летала кои ќе го повредат нејзиниот воздушен простор
Турција нема да се стеснува да го урне секој воен авион кој ќе го повреди нејзиниот воздушен простор, изјави во саботата премиерот Ахмет Давутоглу, ден откако турските авиони „F-16“ урнаа неидентификувано беспилотно летало во близина на границата со Сирија.
„Вчера урнавме едно беспилотно летало/ до колку беше авион, ќе го сторевме истото. Правилата се познати. Кој ќе ја повреди нашата граница, ќе одговориме на соодветен начин“, реле премиерот Ахмет Давутоглу на предизборниот собир на владејачката Партија на правдата и развојот (AKP) во градот Кајсери.
Турција сé уште истражува чие е беспилотното летало кое во петокот трипати било регистрирано во воздушниот простор на земјата пред да биде соборено откако не одговарало на предупредувањата.
Вашингтон веднаш изрази сомневање дека станува збор за руско летало, но руското министерство за одбрана објави дека сите негови беспилотни летала во Сирија безбедно се вратиле во базата во Хмејмим. Исто така, рускиот производител на беспилотни летала објави дека според објавените видео материјали и снимки од соборениот дрон, произлегува дека не станува збор за нејзино летало.
Турција претходно објави дека руски авион го повредил нејзиниот воздушен простор, за што Москва официјално се извини велејќи дека станувало збор за многу краткотрајно нарушување предизвикано од метеоролошките услови. Анкара, исто така, објави дека во два наврата неидентификуван авион „МиГ“ ги провоцирал нејзините воздушни патроли на границата со Сирија, а Москва појасни дека такви типови летала не учествуваат во нејзината воена операција на сириското боиште./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.