Регион
Две жени се напаѓачите врз конзулатот на САД во Истанбул

Две жени го извршиле нападот врз конзулатот на САД во Истанбул, од кои е едната е уапсена, соопшти во понеделникот кабинетот на гувернерот на оваа турска метропола.
Според информациите со кои располагаат локалните власти на Истанбул, за време на апсењето на осомничената за нападот врз американскиот конзулат, таа била ранета. Нејзиниот идентитет сé уште не е објавен.
Зад нападот, како што се сомневаат властите, стои екстремната левичарска групација Револуционерна ослободителна народна партија-фронт (DHKP-C), која ја презема одговорноста за нападот пред две години врз амбасадата на САД во Анкара, кога беше убиен турскиот член на обезбедувањето.
Групата DHKP-C е основана во 1978 година и нејзината декларирана цел е преземање на власта во Турција и наметнување на режим со марксистичко-ленинистичка идеологија. Се позиционира, исто така, и како противник на САД и на НАТО. Групата досега преземаше одговорност за многу напади врз турски функционери, американски војници и други странци. САД и Европската унија оваа групација ја ставија на листата терористички организации.
Неколку часа по експлозијата пред полициската станица во Истанбул ноќта кон понеделникот, двајца напаѓачи отворија оган врз зградата на конзулатот на САД, и побегнале кога полициското обезбедување на објектот возвратило. Агенцијата Doğan, претходно јави дека во нападот во северната истанбулска населба Саријер учествувале маж и жена. Жената наводно подоцна била уапсена во куќа близу местото на нападот, во која се криела. Други детали за нападот не се обелоденети./крај/мф/сн
Извор: AFP/Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.