Регион
Еден од уапсените Срби призна дека ги организирал нападите во Црна Гора
![](https://makfax.com.mk/wp-content/uploads/2016/11/crna-gora-oruzje-novo.jpg)
Српскиот државјанин Александар Синѓелиќ, еден од уапсените во акцијата на 16-ти октомври, односно изборниот ден во Црна Гора, пред црногорските полициски власти признал дека собирал луѓе и им обезбедил воена и полициска опрема, пишува подгоричкиот весник „Побједа“.
Според весникот, Србинот признал дека им помогнал на група луѓе да се соберат за на 16-ти октомври побрзо и посигурно да стигнат до зградата на Собранието на Црна Гора. Весникот „Побједа“ додава дека Синѓелиќ детално опишал како течеле подготовките за планираниот терористички напад, кого ангажирал и со кого од Црна Гора комуницирал за време на операциите кои требало да предизвикаат крвопролевање на изборната ноќ.
Синѓелиќ, кој заедно со поранешниот шеф на српската жандармерија, Братислав Дикиќ се сомничат дека ја организирале криминалната група која ги подготвувала терористичките напади во Црна Гора, бил сослушан во понеделникот во Истражниот затвор во Спужа.
„Побједа“ дознава дека Синѓелиќ бил ангажиран од двајца руски националисти, кои раководеле со една цела организација, за која се верува дека броела 500 лица. Двајцата руски националисти, чиј идентитет не е соопштен, барале од него да врбува членови на криминална организација, подготвени на 16-ти октомври да предизвикаат нереди, да пукаат на граѓаните и да го ликвидираат црногорскиот премиер Мило Ѓукановиќ.
Весникот додава дека засега е извесно дека се очекува апсење на овие двајца руски националисти, како и на политичари од една црногорска опозициска партија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.