Регион
Експлозијата во Будимпешта предизвикана од импровизирана бомба
Експлозијата во којашто двајца полицајци беа повредени во саботата ноќта во центарот на унгарската престолнина Будимпешта е предизвикана од импровизирана направа, а била насочена против силите за одржување на редот, соопшти во неделата унгарската полиција.
Отворена е истрага за обид за убиство и полицијата активно трага по сомнително лице, изјави за медиумите Карои Пап, директот на унгарската полиција. Не посочи на можниот мотив на нападот во кој се тешко повредени 23-годишна полицајка и нејзиниот 26-годишне колега, а нивните животи не се во опасност. Се истражуваат неколку можности, додаде Пап.
„Нашите службеници биле цел на тој напад, мислам дека тоа беше напад врз сите сили за одржување на редот во Унгарија, сакале да ги ликвидираат“, истакна Пап.
Двајцата полициски службеници биле во патрола во близина на зграда во чиешто приземје околу 22,30 часот експлодирала импровизирана направа во близина на фреквентна раскрсница во Будимпешта.
Полицијата трага по маж меѓу 20 и 25-годишна возраст, со среден раст, околу 170 сантиметри, со светла шапка и со црни патики. „Ќе го пронајдеме и ќе го откриеме мотивот за нападот“, истакна директорот на унгарската полиција објавувајќи награда од 10 милиони форинти, или 32.694 евра, за информација којашто ќе помогне во неговото апсење.
Според државната телевизија, надзорните камери снимиле лица коешто остава торба кусо пред експлозијата.
Во експлозијата, која се слушнала на повеќе места во Будимпешта, оштетена фасадата на една продавница во приземјето на зградата, и скршени се прозорците на блиските објекти и автомобили. Зградите се евакуирани, како и прочуената музичка академија „Франц Лист“ која е во близината на местото на инцидентот.
За понеделникот е свикана седница на парламентарната комисија за национална безбедност.
Инцидентот се случува пред референдумот со кој владата треба да го потврди своето противење на планот за разместување на бегалците по земјите членки што го сакаат некои од челниците на Европската унија. Во кампањата акцентот е ставен на безбедносниот проблем, бидејќи официјална Будимпешта мигрантите директно ги поврзува за терористичките напади во Франција и во Германија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.