Регион
Ердоган остро ги нападна странските медиуми
Турскиот претседател Реџеп Тајип Ердоган повторно во саботата остро ги критикуваше западните медиуми еден ден пред одржувањето на парламентарните избори и ги предупреди британскиот весник Тhe Guardian „да не ја минува границата“, а американскиот The New York Times, кого го стигматизираше со „еврејски капитал“.
Турскиот претседател Реџеп Тајип Ердоган повторно во саботата остро ги критикуваше западните медиуми еден ден пред одржувањето на парламентарните избори и ги предупреди британскиот весник Тhe Guardian „да не ја минува границата“, а американскиот The New York Times, кого го стигматизираше со „еврејски капитал“.
Турскиот претседател во говорот во источниот град Ардахан изјави дека „еден британски весник напиша дека сиромашните муслимани кои не се во целост под влијание на Западот не би смееле да управуваат со сопствената земја“. Проследен со одобрување Ердоган ги запраша насобраните своите приврзаници „кому е дозволено да им суди“.
Од почетокот на предизборната кампања, турскиот претседател повеќепати ги напаѓаше домашните и странските медиуми кои ги критикуваат неговите политики или објавуваа информации кои се непријатни за исламско-конзервативната власт што ја предводи Ердоган.
Во саботата Ердоган повторно го критикуваше The New York Times кому веќе му се закануваше поради објавување на напис со кој се предупредува на неговото авторитарно владеење. Пред илјадниците свои поддржувачи, ги повтори обвинувањата за овој американски дневен весник дека со децении води кампања поради Турција и дека сега кон него истура омраза. Истакна дека „зад сето тоа, за жал, стои голем еврејски капитал“.
На власт од 2002 година, неговата Партија на правдата и развојот (AKP) е фаворит и на парламентарните избори во недела. Ердоган ја вложи сета сила во кампањата за на својата партија да ѝ обезбеди повеќе од 330 места во 550-члениот турски парламент, што ќе му овозможи да го реформира уставот, а се стравува дека покрај зголемувањето на своите овластувања може да ги смени уредувањето од парламентарен систем во претседателски, односно би ја добил извршната власт./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.