Регион
Ердоган побара од Турчинките да имаат најмалку три деца

Турскиот претседател Реџеп Тајип Ердоган побара во неделата од Турчинките да имаат најмалку три деца, оценувајќи дека животот на жената е неисполнет доколку нема потомци.
Станува збор за уште една од низата контроверзни изјави на турскиот претседател Реџеп Тајип Ердоган со кои сака да го зголеми бројот на населението во земјата, кое и онака е во голем пораст последните години, а критичарите му забележуваат дека ги навредува правата на жените и истапува од исламистички позиции.
Според официјалната статистика во 2015 година, во Турција се регистрирани 79 милиони жители, наспроти 69 милиони во 2000 година.
Ердоган нагласи дека е горлив поборник на работата на жените, која не треба да преставува препрека за раѓање деца.
„Да се отфрли мајчинството претставува отфрлање на човештвото“, рече во говорот во текот на инаугурацијата на новото седиште на Здружението на турските жени и демократија KADEM. „Би препорачал најмалку три деца“, истакна Ердоган.
Ердоган има четири деца, две ќерки и два сина.
Минатиот понеделникот оцени дека семејното планирање и контрацепцијата не им одговараат на муслиманските семејства и со тоа предизвика огорчени реакции на феминистичките активистки./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.