Денес во Хрватска се одржуваат локални избори, на кои учествуваат повеќе од 38.000 кандидати за позиции во репрезентативните тела и извршната власт во општините, градовите и жупаниите.

Граѓаните избираат градоначалници и водачи на жупаниите на локалните избори.

Најголемата битка се води за Градот Загреб, каде градоначалникот Милан Бандиќ беше градоначалник во шест последователни мандати.

Во избирачкиот список за локалните избори има 3.660.165 гласачи кои ќе гласаат на 6.572 избирачки места.

Граѓаните ќе изберат 425 општински и 127 градски совети, 20 жупаниски собранија и Градското собрание на Загреб, општински началници, градоначалници и жупани и 70 нивни заменици од националните малцинства и десетина од хрватскиот народ во општините каде Хрватите се малцинство, јавуваат хрватските гласила.

Челниците на извршната власт се избираат со мнозинство гласови, а за да бидат избрани денеска, тие мора да добијат повеќе од 50 проценти од граѓаните кои го дале својот глас, а доколку освојат помалку од половина, ќе имаат нова шанса на 30 мај, кога во вториот круг се бира меѓу двајца кандидати со најголем број гласови.

Резултатите од изборите се очекуваат со посебно внимание во четири големи градови: Загреб, Сплит, Риека и Осиек и засега е сигурно дека сите четири града ќе добијат нови градоначалници, бидејќи неодамна почина долгогодишниот градоначалник на Загреб, Милан Бандиќ, а останатите досегашни челници Андро Крстуловиќ Опара, Вељко Оберснел и Ивица Вркиќ не се кандидираа повторно.

Со оглед на епидемиолошките мерки, сите хрватски граѓани со право на глас можат да влезат во Хрватска без оглед од која држава доаѓаат, без потреба да дадат некаква потврда, но имаат право да останат во Хрватска до 12 часот, пишуваат тамошните медиуми.

По демонстрациите во поголем број европски градови за поддршка на Палестинците, денеска демонстрации се одржаа и во Атина.

Агенциите во регионот пишуваат дека во Атина се одржаа протести за поддршка на Палестинците со извици „Слобода за Палестина“, а грчката полиција употребила солзавец и водени топови за да ги растера демонстрантите.

palestine solidarity protest in athens

with tear gas and water auras the police try to scatter the crowd#FreePalestine #SavePalestine pic.twitter.com/Wyl8JJRjgP

— έζι ☻ fansites lists (@swithlua) May 15, 2021

Демонстрантите во Атина, носејќи палестински знамиња, се упатија кон израелската амбасада, која беше опколена од полициските сили, пренесува Ројтерс.

Протестите во Атина се одржаа по слични такви демонстрации во бројни градови низ светот, предизвикани од интензивните вооружени конфликти меѓу Израел и палестинскиот Хамас.

Членот на Европскиот парламент Јанис Лагос, поранешен член на крајно десничарската партија Златна зора, кој беше осуден во Грција на 13 години затвор, беше екстрадиран на властите во Атина.

Лагос (48), кој беше уапсен во Брисел на крајот на април, ден откако ЕП му го одзеде пратеничкиот имунитет, пристигна во Атина, а полицијата го чекаше на аеродромот.

Тој, како и целото раководство на Златна зора, беше во притвор по убиството на антифашистички активист во Атина во септември 2013 година. Беше пуштен на условна слобода 18 месеци подоцна, додека чекаше судење.

Лагос има пратенички имунитет од јули 2019 година, кога влезе во ЕП како претставник на Златна зора, која ја напушти неколку месеци подоцна.

Лидерот на Златна зора, Никос Михалолијакос и повеќето осудени се во затвор, но вториот човек на таа организација, Христос Папас, сè уште е во бегство, пишуваат агенциите.