Регион
ЕУ: Предвремените избори во Грција нема да влијаат врз програмата за помош

Висок преставник на Европската унија (ЕУ) во петокор рекол дека предвремените избори во Грција нема да влијаат брз програмата за помош која Унијата и ја одобри на Грција неколку часа пред оставката на грчкиот премиер Алексис Ципрас.
Запрашан дали изборите ќе ја промената бројката на договорена програма за помош, лидерот на европската работна група која ја подготвува одлуката за состанокот на министрите за финансии на еврозоната, Томас Висер за австриски ORF изјавил дека „ова било очекуван и за многумина посакуван потег за да се добие појасен став на грчката влада“.
Грчкиот премиер во четвртокот поднесе оставка, надевајќи дека на предвремените извори ќе ја зацврсти својата власт, по седуммесечниот мандат во кој се бореше со грчките кредитори за подобар договор за спасување на својата презадолжена земја, но на крајот мораше да попушти.
Ципрас му ја предаде својата оставка на грчкиопт претседател Прокопис Павлопулос и замоли да се одреди што поскор датум за одржување на нови избори.
Владини претставници изјавиле дека целта е да се изборите да се одржат на 20-ти септември, додека Ципрас настојува да ја сузбие побуната во својата левичарска партија СИРИЗА и да обезбеди поддршка од јавноста за третата програма за финансиска помош, која тој ја договори.
Грчките медиуми пренесуваат дека лидерот на главната опозициска партија, Вангелис Мермаракаис во петок ќе се состане со претседателот на земјата за да добие мандат за формирање на влада. Распоредот на силите во грчкиот парламент е таков што има мали изгледи за партијата Нова демократија да состави влада, што значи дека предвремените избори се логичен резултат од оставката на Ципрас./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Украинско комбе се судри со руски камион во Словенија, петмина загинати

На автопатот кој ги поврзува Марибор и Љубљана, во близина на излезот Словенска Коњица, во правец на Љубљана, се случи тешка сообраќајна несреќа во која загинаа пет лица, а две се повредени. Несреќата се случила кога патничко комбе удрилo во камион. Сите жртви биле странски државјани, соопшти словенечката полиција, јавуваат медиумите во регионот.
Според досега утврденото, возачот на комбе со украински регистарски таблички, кое превезувало седум лица, поради несоодветна брзина, удрил во задниот дел од приколка која стоела во ред поради работи на автопат. Пет лица загинале во комбето на местото на несреќата.
Возачот, кој ја предизвикал несреќата, е полесно повреден, додека патничка е тешко повредена. Двајцата повредени се пренесени во болница, а тешко повреденото лице е пренесено со хеликоптер. Идентитетот на загинатите сè уште се утврдува.
Возачот на камионот, руски државјанин, не е повреден, но му е понудена психолошка помош поради сериозноста на несреќата, објавува Радиотелевизија Словенија. Несреќата се случила непосредно пред одморилиштето Тепање, на дел од автопатот каде што се во тек големи работи – се реновираат 13 километри пат, два тунела и три вијадукти. Полицијата потврди дека несреќата се случила пред работната зона каде што се формираат долги редици поради затворени ленти.
Фото: принтскрин
Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.