Регион
Филе ја повика опозицијата во Албанија да се врати во Парламентот

Еврокомесарот за проширување Штефан Филе во понеделникот во Тирана побара од албанската опозиција да се врати во Парламентот, додавајќи дека партиите на власт и опозицијата мора да сфатат дека политичкиот дијалог е неоходен за интеграцијата на земјата во ЕУ.
Филе на заедничката прес-конференција со албанскиот премиер Еди Рама истакна дека посетата на папата Франциск на Тирана потврдила дека во земјата верската толеранција е на високо ниво, а таквата клима треба да се примени и меѓу политичката класа.
Филе воедно побара од владата во Тирана да ги преземе сите мерки за соработка и дијалог со опозицијата, во интерес на развојот и интеграциите во Албанија.
Еврокомесарот за проширување, исто така, оцени дека владата мора да ги спроведе сите реформи кои се бараат од ЕУ. Премиерот на Албанија, Еди Рама, истакна дека неговата влада е подготвена да ги спроведе сите барања на опозицијата, но додаде дека за тоа таа треба да биде во парламентот и парламентарните комисии.
Албанската опозиција, која е предводена од Демократската партија, повеќе месеци ја бојкотира работата на Собранието на Албанија, нагласувајќи дека власта предводена од социјалистите не ги почитува законите и политичкиот дијалог за клучните прашања во земјата./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Српската туристка која исчезна додека пливала кај Солун е пронајдена мртва

Жена (76) од Србија, која се водеше како исчезната од синоќа во близина на Солун, е пронајдена мртва утрово кратко по 8 часот, во морскиот регион, јавува „Прототема“, пренесува „Танјуг“.
Грчката крајбрежна стража вчеравечер ја започна потрага по исчезната пливачка во близина на градот Агиа Триада, во близина на Солун.
Порталот „Прототема“ објавија дека жената отишла на пливање со двајца пријатели, а крајбрежната стража била известена за нејзиното исчезнување околу 21:30 часот по локално време.
Во спасувачката операција учествувале два брода на крајбрежната стража, брод во близина и рибарски чамец. На барање на крајбрежната стража беше мобилизиран и грчки спасувачки тим, кој пристигнал за да помогне, заедно со екипаж од четири члена волонтери и спасувачкиот брод „Один“.
Спасувачките екипи продолжуваат со пребарување на околуниот дел од морскиот брег и отвореното море во надеж дека ќе ја најдат исчезнатата туристка жива и здрава.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин