Регион
Грција одбила барање за азил на седум од осумте турски офицери по обидот за пуч
Грчките власти ги одбиле барањата за азил на шест турски воени лица коишто по неуспешниот обид за воен преврат од 15-ти јули од Турција со хеликоптер пребегнаа во соседна Грција, објавија во вторникот грчките медиуми, додавајќи дека претходно во септември беше одбиено барањето за азил на еден офицер, додека одлуката за судбината на осмиот пребегнат војник сé уште се чека.
Хеликоптерот на турските вооружени сили со осум припадници на војската ноќта кон 16-ти јули се спушти во Грција, при што тие изјавија дека не биле вклучени во обидот за државен удар, но дека во татковината ги очекува смрт.
Комисијата за одобрување азил во Атина досега одбила седум од осумте барања за азил на припадниците на турската армија кои ден по неуспешниот пуч од фракција на војската да ја собори владата, дојдоа во соседната земја.
Станува збор за два мајора, четири капетани и двајца подофицери кои со воен хеликоптер слетаа во грчкото пристаниште Александрополис во близина на турската граница.
Вкупно веќе се одбиени седум од осумте барање за азил на турските воени лица на основа дека учествувале во обидот за преврат, што „претставува терористички акт“, пишува порталот enikos.gr. Офицерите се изненадени и навредени од таквите обвинувања.
По одлуката на грчката комисија, пребеганите офицери соопштија дека се жртви на „билатералната политика“ и дека комисијата при разгледувањето на нивните барања не ги земала предвид меѓународното и европското право, туку исклучиво се поведувала од билатералната политика.
„Дојдовме во Грција да ги спасиме сопствените животи, не сакаме да станеме инструмент на политиката на надворешните работи или на билатералните договори“, соопштија турските офицери. Анкара официјално во август го побара нивното предавање, обвинувајќи ги за учество во пропаднатиот пуч.
„Изненадени сме од решението на службата за издавање азил, којашто покрај тоа што ги одбива нашите праведни барања за азил, уште нé квалификува како терористи. Но за таквиот заклучок не само што нема никакви факти и докази, туку и во нашата татковина нé обвинуваат за тероризам“, се истакнува во соопштението што го објавија турските офицери преку нивниот застапник.
„Се надеваме дека грчката влада сериозно ќе ја заземе позицијата на другите пет земји членки на ЕУ коишто им овозможија меѓународна заштита на турски воени лица, кои побараа засолниште на териториите на нивните земји по пучот“, се додава во соопштението.
Адвокатката Ставрула Томара смета дека не постојат правни основи нејзините клиенти да бидат обвинети со сериозни обвинувања, како што се тероризам и учество во обид за убиство на турскиот претседател и стравува дека тоа не е случајно. Додала дека ќе ги преземе сите мерки за на турските офицери да им биде доделен политички азил./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вучиќ одржа контрамитинг, се пофали со „реки луѓе“: „За малку ќе заплачев“
Во Јагодина вечерва се одржа митинг по повод основањето на Движењето за народот и државата, на кој српскиот претседател Александар Вучиќ изјави дека е трогнат од бројот на луѓе кои се собрале да ја изразат својата желба да ја заштитат и зачуваат Србија, пренесува Анадолија. Ова е собирот на Вучиќ кој го одржува за да се спротивстави на протестите и штрајкот предводени од студентите.
Насобраните извикуваа пароли „Ацо, Србине“ и „Не се откажуваме од Србија“, а Вучиќ им се заблагодари на сите што пристигнаа во Јагодина.
„За малку ќе заплачев кога видов толку многу луѓе кои сакаат да ја бранат Србија. Нашиот народ знае, Србија знае како е нападната денес и од надвор и од внатре. Народот знае кога е време да ги поддржи оние кои се бореле за Србија. Тие го притискаат нашиот народ во Косово, се обидуваат да ги протераат Србите“, рече Вучиќ.
Тој додаде дека, според него, оние кои ја ограбиле Србија сега сакаат да ги користат децата за да ја вратат власта.
„Прекрасно е да се биде претседател на Србија. Нема ништо поубаво на светот“, рече Вучиќ, нагласувајќи дека на основците и средношколците место им е во училиштата. Тој ги повика студентите на дијалог, барајќи од нив јасно да кажат што не е исполнето за да се остварат нивните барања.
„Ве молиме дојдете и кажете ни кое од четирите барања што ги поставивте не е исполнето“, рече тој.
Вучиќ во своето обраќање истакна дека додека е претседател на Србија нема да воведува санкции кон Русија или други пријателски земји. Тој нагласи дека го разбира незадоволството поради објективни проблеми, но вети поддршка за нивно решавање.
View this post on Instagram
Говорејќи за плановите, тој ја истакна важноста од завршување на проектот Експо и привлекување нови инвеститори.
„За тоа ни треба нова енергија, а не враќање во минатото“, нагласи тој.
Вучиќ заклучи дека власта никогаш повеќе нема да се стекне преку улиците во Србија. „Народот сака да оди напред, народот сака иднина“, рече тој.
Вучиќ на својот Инстаграм за време на митингот се пофали со „реките луѓе“ кои „допрва доаѓаат“. „Благодарам Јагодино. Благодарам Србија“, напиша тој покрај видеото снимено од воздух.
View this post on Instagram
Регион
(Видео) Вучиќ одржува контрамитинг во Јагодина
Александар Вучиќ одржува контрамитинг во Јагодина.
Како што пренесува РТС, тој на насобраните им рекол дека е свесен за тежината на моментот во кој се нашле.
На студентите им порача „книги, а не знамиња“ и ги покани да разговараат, како и да кажат кое од барањата не е исполнето за да се исполни.
Регион
Студент: Го блокиравме автобусот што одеше на собирот на Вучиќ, не растераа 60 полицајци
Студентите, кои повеќе од два месеци блокираа околу 60 факултети во Србија поради трагедијата на железничката станица во Нови Сад, ги повикаа српските граѓани денеска да излезат на генерален штрајк.
Студентот Вељко Вучетиќ изјави дека толпата запрела автобус кој требало да оди на митинг организиран од српскиот претседател Александар Вучиќ и СНС во Јагодина.
„Не го запревме сообраќајот, туку еден автобус, стоевме таму 45 минути, дојде бригада со 60 полицајци и не растера под изговор дека го блокираат сообраќајот“, изјави студентот за Н1 Србија.
Тој додаде дека остануваат во Автокоманда „додека повторно не бидат растерани“.
„Ние стоиме овде без намера да си заминеме. Можам да им се заблагодарам на сите луѓе, студенти, граѓани, што го почитуваа генералниот штрајк, стојат покрај сите нас и постојано не поддржуваат“, кажа студентот.
Еден загинат во сообраќајна незгода кај Крива Паланка: возилото излетало од пат и се превртело
Едно лице го загубило животот во сообраќајна несреќа на експресниот пат Ранковце – Крива Паланка, кога автомобилот „фолксваген голф“ излетал...
Путин: Најдобро би било јас и Трамп да се сретнеме
Рускиот претседател Владимир Путин изјави дека тој и Доналд Трамп треба да се сретнат за да разговараат за војната во...
Хамас ги објави имињата на четирите заложнички кои ќе бидат ослободени викендов
Канцеларијата на израелскиот премиер Бенјамин Нетанјаху потврди дека Израел од посредник добил листа на затвореници кои Хамас ќе ги ослободи...
Продолжува периодот на стабилно и релативно топло време, утре максималната температура од 8 до 16 степени
Утре претпладне по одделни котлини ќе има појава на магла. Преку денот времето ќе биде сончево со мала до умерена...
Спорната пратка за Хрватска содржи свеж кељ а не зелка, и во истата нема пестициди, велат од Државниот инспекторат за земјоделство
Државниот инспекторат за земјоделство излезе со соопштение по добивањето на известувањето од системот за брзо известување на ЕУ (RASAFF –...
Мицкоски: Македонското прашање нема никогаш да биде затворено додека главните цели не се реализираат, а тоа е полноправно членство во ЕУ
„Не знам каде се препознале. Дали можеби имаат гризење на совеста, па работи потсвеста, Фројд е чудна работа. Но, јас...
МВР за уапсените за тероризам: Планирале напади врз јавни објекти во Македонија
Четворица терористи, со идеологија на ИСИС, беа уапсени во Македонија, а од МВР информираа дека планирале напади. За првопријавениот постојат...
Уште четворица уапсени во Македонија поради тероризам: регрутирале нови членови на ИСИС и ширеле терористичка пропаганда
Уште четири лица се приведени во Македонија како дел од акцијата што почна во декември, а се однесуваше на тероризам....
Кривична пријава поради измама со ортопедски помагала, Фондот оштетен за 8,7 милиони денари
Управата за финансиска полиција до Обвинителството поднесе кривична пријава против И. Т. во својство на управител на правниот субјект БАУЕРФЕИНД...
СДСМ: Не е нормално Владата да купува авион, а за лекови на Онкологија да чека донации
Владата ќе купива авион од стотина милиони евра а решението за лекови на Онклогија го бара преку донации. Ова што...
Генерален штрајк во Србија, протест закажаа и адвокатите
Генералниот штрајк или „општа граѓанска непослушност“ на кој беа поканети граѓаните на Србија од студентите во блокадата, започнува денеска, објавуваат...
Обвинителството да отвори истрага за сите злоупотреби со онколошката терапија, повика ВМРО-ДПМНЕ
Мафијата на смртта која печали милиони на здравјето на граѓаните здравствениот систем го донесе пред колапс. Една иста мафија на...
„Емилија Перез“ и „Анора“ – филмовите номинирани за „Оскар“ месецов на репертоарот на Кинотеката, на програмата повеќе култни остварувања
Кинотеката на Македонија во февруари 2025 година подготви исклучителна филмска програма која ги спојува класиците на златната ера на Холивуд,...
(Видео) Вонредна состојба во Ирска и Шкотска: откажани летови и затворени училишта поради невремето Еовин
Поради невремето Еовин, училиштата и универзитетите денеска се затворени во Ирска и Шкотска, а откажани се и голем број летови...
Трамп: Зеленски е подготвен да преговара со Русија за ставање крај на војната
Американскиот претседател Доналд Трамп денеска изјави дека украинскиот претседател Володимир Зеленски е подготвен да преговара за договор со Русија за...
Документите за атентатот на Кенеди веќе нема да се чуваат во тајност
Американскиот претседател Доналд Трамп нареди декласификација на документите поврзани со трите најзначајни атентати во историјата на САД – атентатите на...
(Видео) Одбивме непријателски дронови упатени кон Москва, соопшти градоначалникот
Градоначалникот на Москва, Сергеј Собјанин рано утринава изјави дека единиците за противвоздушна одбрана пресретнале три одделни напади на украински беспилотни...
Tрамп до светските компании: Произведувајте во САД или ќе се соочите со царини
Доналд Трамп порача до компаниите во светот дека ако не произведуваат во САД, ќе се соочат со царини во вредност...
Македонија силна против Катар
Ракометната репрезентација на Македонија ја забележа втората победа, прва во главната фаза, на 29.Светско првенство. Попладнево во Вараждин, Македонија го...
Почина тримесечно бебе во Скопје
Вчера во 09.10 часот во СВР Скопје, од Итна медицинска помош Скопје било пријавено дека во семејна куќа на подрачјето...
