Регион
Грција одбива ’уцени’, бара состанок со челниците ЕУ
Грчкиот премиер Алексис Ципрас побара состанок со челниците на земјите членки на Европската унија, вклучително и со германската канцеларка Ангела Меркел, соопшти неименуван грчки функционер.
Грција е упорна на тоа дека нема да ја прифати „уцената“ поради нејзината должничка криза, но за неколку седмици би можела да остане без пари, бидејќи нејзините партнери од Европската унија, кои ги разгневи жестоката реторика на новата грчка влада на радикалната левица против условите за спасување на земјата од Банкрот, ја замрзнаа странската финансиска помош додека Атина не даде докази за спроведувањето на реформите на коишто се обврзаа поранешните грчки влади.
Атина го нападна челникот на Еврогрупата, министрите за финансии на 19-те земји членки од еврозоната, Јероен Дијслелблом, поради неговата изјава дека се зголемува притисокот врз Грција и дека итниот заем ќе го добие само доколку оствари чувствителен напредок во реформите. Додаде дека не сака во Грција да се повторни сценариото од Кипар од 2013 година кога банките мораа да останат затворени неколку дена, за да не бидат извлечени од нив сите депозити на граѓаните.
Портпаролот на грчката влада, Габриел Сакеларидис, го обвини Дијселблум дека ги пречекорил своите овластувања. „Сметаме дека не е потребно да се потсетува дека Грција не може да биде уценувана“, изјави портпаролот.
Ципрас сака на споменатиот состанок на маргините од самитот на ЕУ, кој ќе се одржи во четврток и петок, освен германската германската канцеларка Ангела Меркел да учествуваат и претседателот на Европската централна банка (ECB) Марио Драги, претседателот на Европската комисија Џан-Клод Јункер и францускиот претседател Франсоа Оланд. Неименуван грчки функционер за Reuters додал и дека Ципрас барањето во оваа смисла го упатил во текот на телефонскиот разговорот со претседателот на Европскиот совет, Доналд Туск, чиј портпарол потврдил дека разговорот се одржал.
Во Брисел сметаат дека овој состанок би можел да биде последниот обид на Ципрас некако сепак да постигне „политичко решение“ на проблемот околу финансирањето на Грција, во којашто ситуацијата станува сé потешка со изминувањето на рокот до кој Атина нема да има пристап на пазарите на пари./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.