Регион
Хан: Нормализација на односите за Косово и Србија да не си пречат во евроинтеграциите

Процесот на нормализацијата на односите меѓу Белград и Приштина ќе овозможат Србија и Косово да не се блокираат еден со друг во европските интеграции, изјави еврокомесарот за соседска политика и пристапни преговори Јоханес Хан.
„Овој процес ќе обезбеди и Србија и Косово да продолжат со европскиот пат, избегнувајќи ја можноста за меѓусебно блокирање во тие напори, со перспективата и двете да можат да бидат во состојба целосно да ги остварат своите права и да ги исполнат своите обврски“, вели еврокомесарот Хан во интервју за белградска Политика.
Запрашан дали се точни тврдењата на координаторот во разговорите меѓу Белград и Приштина, Блерим Шаља, кој изјавил дека Германија бара двете страни да потпишат правнообврзувачки договор во 2016 година, Хан вели дека не е запознаен со тој датум, ниту, пак, со договор со таква содржина.
Истакнува дека условите кои се наоѓаат пред Србија не биле поставени од Брисел, Европската комисија или, пак, германскиот Бундестаг, туку дека нив едногласно ги поставуваат сите членки на ЕУ, и дека тоа се услови вклучени во преговарачката рамка која беше усвоена во декември 2013 година.
„Таа преговарачка рамка јасно пропишува владеење на законите, како и тоа дека целта за сеопфатна нормализација на односите меѓу Србија и Косово треба да се постигне во раниот процес од преговорите“, прецизира Хан.
Еврокомесарот нагласува дека за членките на ЕУ проширувањето останува приоритет и дека негова желба е што поскоро да дојде до отворање на преговарачките поглавја со Србија, но дека услов за ова е продолжување на реформите и посветеност во дијалогот со Косово.
„Јасниот напредок на двата фронта ќе ми даде најдобри аргументи кои подоцна ќе можам да ги користам за да ги убедам нашите држави членки“, вели еврокомесарот./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Автобус со работници се преврте кај Сремска Митровица, има жртви

Тешка сообраќајна несреќа се случи попладнево околу 14:30 часот на излезот од Сремска Митровица, кај поранешната фабрика „Матроз“, кога автобус на „Сирмиумбус“ што превезувал работници од фабрика се превртел на кров, јави Нова.рс.
Според првичните информации, најмалку две лица загинале, а повеќемина се повредени и се пренесени во Општата болница во Сремска Митровица. На местото на несреќата се полицијата и противпожарните служби, а сообраќајот е блокиран поради увидот.
Фотографии од местото на настанот покажуваат долги колони возила на патот Сремска Митровица – Јарак. Истрагата за причините е во тек.
Регион
(Видео) На детско игралиште во Белград убиен маж

Едно лице беше убиено синоќа во пукотница на булеварот Вудро Вилсон во Белград на вода, објави РТС.
View this post on Instagram
Докторката Виолета Николиќ од Одделот за итни случаи потврди за РТС дека 35-годишен маж бил застрелан синоќа во 23.13 часот.
„Нашиот тим можеше само да заклучи дека 35-годишниот маж е мртов“, рече д-р Николиќ.
На социјалните мрежи се објавени снимки, на кои се гледаат телото на убиениот маж на детско игралиште и апсењето на друго лице.
фото: принтскрин
Регион
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“

Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење на реформите во Србија, која е потресена од месеци антивладини протести предизвикани од железничката несреќа во Нови Сад пред една година.
Тој се осврна на честите пофалби од Европската комисија, како онаа минатата година кога претседателката на Комисијата, Урсула фон дер Лајен, му се обрати на српскиот претседател Александар Вучиќ со „драг Александар, покажа дека делата ги следат твоите зборови“.
За време на посетата на Белград во средата, наративот малку се смени, при што Фон дер Лајен му се обрати на Вучиќ со „господине претседателе“.
„Апелираме до Комисијата, наместо тоа, јасно да ја артикулира потребата од вистински и сеопфатни реформи, вклучително и враќање на демократските институции, зајакнување на владеењето на правото и борба против корупцијата и организираниот криминал“, рече Пицула.
Потпретседателката на пратеничката група на СиД, белгиската европратеничка Кетлин ван Бремпт, која е задолжена за проширување на ЕУ во нејзината група, истакна дека секоја неоправдана пофалба од страна на Комисијата за властите во Србија води до тоа студентите и граѓаните што протестираат на улиците да се чувствуваат предадено.
Европскиот парламент следната недела во Стразбур ќе дебатира за резолуција за растечката репресија во Србија, една година по уривањето на настрешникот на железничката станица во Нови Сад, при што загинаа 16 лица. Трагедијата предизвика месеци протести што Вучиќ ги нарекува обоена револуција.
Во изјава за новинарите во Брисел, Пицула рече дека од февруари до септември оваа година имало повеќе од 10.700 протести во цела Србија, кои биле обележани со репресија врз демонстрантите, произволни апсења и политички мотивирани притворања.
фото: принтскрин