Регион
Хрватската Влада почнува постапка за излез од арбитражата за Пирански залив

Покрај притисоците од Словенија и од Европската унија, Хрватска одлучи да излезе од арбитражната постапка за границата со Словенија.
Покрај притисоците од Словенија и од Европската унија, Хрватска одлучи да излезе од арбитражната постапка за границата со Словенија.
Владата на денешната седница треба да одлучува за излез од постапката за арбитража со Словенија, односно за престанок на Спогодбата за арбитража меѓу Владите на Хрватска и Словенија по аферата наречена `Пирангејт`, јавија хрватските медиуми. Со едногласна одлука хрватскиот Сабор ја обврза хрватската Влада да излезе од арбитражата.На следната седница Владата ќе констатира дека Саборот ја овластил Хрватска да излезе од арбитражната Спогодба и таа за тоа ќе ги информира сите страни во постапката. Потоа, хрватскиот арбитар, Будислав Вукас, ќе се повлече од постапката.Арбитражата може да се продолжи ако претседателот на судот именува нов арбитар, но тоа за Хрватска повеќе ништо не значи.Словенија во вторникот, за свој арбитар го предложи претседателот на Меѓународниот суд на правдата, Рони Абрахам.Место најавениот национален арбитер, Љубљана го постави францускиот правник и стручњак за меѓународно право за да ја врати веродостојноста на постапката.Ова доаѓа откако во средата во хрватските медиуми беа објавени транскрипти и аудио запис кои покажуваат дека словенечкиот член на арбитражниот суд Јернеј Соколец и словенечката дипломатка оплномоштена претставничка за следење на арбитражата, Симона Дреник, како се договараат за изнесувањето на аргументите и лобирањето кај другите судии на Постојаниот арбитражен суд во Хаг за постапката за границата меѓу Словенија и Хрватска./крај/д/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.