Регион
Јахјага го поздрави формирање на специјалниот суд на Косово

Претседателката на Косово Атифете Јахјага ја поздрави одлуката на Собранието на Косово коешто во понеделникот вечерта ги усвои на амандманите на Утавот со кои се дава зелено светло за формирање на Специјалниот суд на Косово.
Јахјага оцени дека формирањето на судот за истражување на евентуални воени злосторства сторени од страна на поранешните припадници на Ослободителната војска на Косово (ОВК – УЧК) во текот на судирите со српската војска во 1998/1999 година е во интерес на Косово, со што, како што рече, ќе има правда за сите. Таа истакна дека формирањето на овој суд е и по барање на меѓународниот фактор.
Инаку по гласањето во Собранието при што со двотретинско мнозинство амандманите беа усвоени, владата на премиерот Иса Мустафа по брза постапка ги усвои двата предлог закони за формирање на Специјалниот суд и надокнадување на трошоците на лицата на кои ќе им се суди во овој суд.
Косовските медиуми нагласуваат дека сосема е јасно дека гласањето во Собранието било под силен притисок на меѓународниот фактор. /крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.