Регион
Караџиќ бара од ОН истрага за болестите во Хаг

Хашкиот обвиненик Радован Караџиќ му се обрати на генералниот секретар на ОН, Бан Ки Мун со писмо, во кое го предупреди на алармантно високиот број на малигни заболувања меѓу обвинетите во притворската единица на ОН во Хаг и го повика да побара истрага.
Караџиќ наведе дека имало случаи и на два ненадејни смртни случаи, две самоубиства и 11 заболени од рак или леукемија, истакнувајќи дека нему му било оперирано жолчното кесе и дека ненадејно му скокнала количината на шеќер во крвта, иако пред доаѓањето во Хаг бил здрав.
Поранешниот политички лидер на босанските Срби Караџиќ го повика ОН, заедно со Црвениот крст и Светската здравствена организација, бидејќи надлежни во Хаг го одбиле предлогот за покренување на истрага за зачестените тешки заболувања во притворот.
Тој му се пожали на Бан и на правосудниот систем по кој се суди во Хаг, бидејќи тој е непознат во поранешна Југославија, како и поради тоа што судењата се на странски јазик, што секогаш е на штета на обвинетиот.
Караџиќ наведе дека судењата трајат предолго, а дека многу пресуди се донесени врз основа на непознат правосуден систем во поранешна Југославија и по обвинувања за дела кои бие дозволени и задолжителни според југословенските закони. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.