Регион
Ковач: Референдумот во Република Српска не е прифатлив, очекуваме реакција од Белград

Референдумот во Република Српска (РС) за одбележувањето на Денот на РС за Хрватска е неприфатлив и очекуваме од властите во Белград да влијаат врз челниците во Република Српска и да ги одвратат од тоа, изјавил во средата хрватскиот министер за надворешни и европски работи, Миро Ковач.
Ковач рекол дека Хрватска е земја која што учествувала во потпишувањето на Дејтонскиот договор и како така сака Босна и Херцеговина (БиХ) да опстане како држава, да напредува кон членство во ЕУ, и Хрватите да бидат рамноправни и уставотворни, односно дека поради ова референдумот во Република Српска е неприфатлив.
„Сето тоа не е компатибилно со некакви референдуми за самостојност и издвојување на Република Српска. Тоа за нас е неприфатливо и очекуваме дека државниот врв на Србија ќе има влијание врз челниците во Република Српска и ќе ги одвратат од таквите помисли“, рекол Ковач.
Српскиот премиер Александар Вучиќ, како и српскиот претседател Томислав Николиќ во четврток ќе се состанат со политичкото раководство на Србите во БиХ по повод референдумот кој е закажан за 25-ти септември. Советот за спроведувањето на мирот во БиХ (ПИЦ), пак, на властите во Република Српска им порача да се откажат од спроведувањето на референдумот./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.