Партијата на здружените пензионери и инвалиди (ПУПИ) предала во понеделникот пред Врховното државно обвинителство кривична пријава против црногорскиот премиер Мило Ѓукановиќ, поради несовесно работење и корупција.

„ПУПИ поднесе кривична пријава против Ѓукановиќ и нн лица поради несовесно работење во службата, злоупотреба на службената положба, работење со предумисла, со што на Црна Гора и на нејзините граѓани им се нанесени повеќе милионски штети поради издавањето гаранции без покритие на компании и на поединци“, се наведува во партиското соопштение

Од ПУПИ, како што пренесуваат медиумите во Подгорица, додале дека „постојат оправдани сомневања дека Ѓукановиќ присвоил 160 милиони евра“.

„Тие факти ги соопшти државната ревизорска институција при ревизијата на гаранциите кои владата ги давала предводена до Ѓукановиќ, па ги потврди незаконитостите, недозволените работи дека гаранциите се дадени без осигурување на контрагаранции, и тоа на: Комбинатот за алуминиум – 126 милиони евра, на Железарницата во Никшиќ – 33 милиони евра, на подгоричкиот дневен весник Побједа – 7,8 милиони, на Рудниците на боксит – 5,6 милион на Приморац-Бар – 4,5 милиони, и на други“, прецизираат од партијата на црногорските пензионери и инвалиди.

Наведувајќи ги истите причини, кривична пријава против премиерот Ѓукановиќ поднесоа и малцинските акционери на „Електростопанство на Црна Гора“./крај/мф/сн

Извор: Макфакс