Регион
Медиуми: Предизборните грешки на Борисов и ГЕРБ
ГЕРБ допушти цела серија грешки во предизборниот период, кои доведоа до првиот пораз на партијата на актуелниот премиер Бојко Борисов, коментира руската агенција ТАСС.
ТАСС наведува дека резултатите од изборите навестуваат политичка криза во земјата, а сумирајќи ги резултатите од првиот круг, тие забележуваат цела серија грешки направени од ГЕРБ пред гласањето, кои доведоа до првиот пораз на партијата по долга серија од 10 победи.
Првата грешка е задоцнетото соопштување на кандидатот на партијата за највисоката државна функција, односно името на Цецка Цачева, популарно во партиските кругови, но малку познато во бугарската јавност, беше објавено дури на 2-ри октомври, неколку дена пред почетокот на изборната кампања, и на Цачева и фалеше време за да стане популарна меѓу широките народни маси.
Втор проблем беше и недостатокот на координација на највисоко партиско ниво, додава ТАСС. За време на предизборните телевизиски дебати Цачева се изјасни за ревизија на антируските економски санкции, истакнувајќи дека „бугарската дипломатија треба да биде поактивна во формирањето на паневропска позиција по ова прашање”.
Истиот ден, пак, на самитот на држави и влади на земјите од ЕУ во Брисел, бугарскиот премиер Борисив изјави дека „Бугарија го поддржува воведувањето на нови санкции против Русија поради состојбата воСирија”. Негативен ефект, според ТАСС, одигра и замената на бугарскиот кандидат за функцијата генерален секретар на ОН, само една недела пред решавачкото гласање.
ТАСС наведува дека два дена пред изборите противуслуга на кандидатот на ГЕРБ му направил и претседателот Росен Плевнелиев, кој во интервју за ВВС повторно ја критикувал Русија и предупредил дека таа се обидува „да ја подели и ослабне Европа“.
Руската агенција истакнува дека веднаш по објавувањето на интервјуто многу Бугари изразиле незадоволство од неговата изјава, а според експертите иако Плевнелиев доаѓа од редовите на ГЕРБ, тој може да и одземе многу гласови на Цачева, што подоцна се покажа како точно./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тензично во Подгорица: приведени осум лица поради напади врз Турци
Црногорската полиција објави дека осум лица се уапсени во Подгорица за кривични дела со елементи на поттикнување национална и верска омраза и насилство.
Исто така, беше кажано дека полицијата ќе користи камери и беспилотни летала за снимање на јавни места со цел документирање кривични дела, а дека вчера во Подгорица се преземени 55 мерки против странци.
Според соопштението, полицијата го идентификувала и по наредба на државниот обвинител во Вишото државно обвинителство во Подгорица, го уапсила П. М. (35) од Подгорица.
Полицијата објави дека постои сомневање дека на 26 октомври, преку своите профили на социјалните мрежи „Инстаграм“ и „Фејсбук“, објавил заканувачка и навредлива порака упатена кон турските граѓани што живеат во Црна Гора, со која поттикнува омраза и нетрпеливост на национална и верска основа.
Geniş Özet: Karadağ’da “Türkü Öldür” sloganları
Karadağ’ın başkenti Podgorica’da geçtiğimiz hafta sonu yaşanan bıçaklama olayının ardından Türk vatandaşlara yönelik saldırılar gerçekleşti. 45 Türk vatandaşı gözaltına alınırken, 8 Türk vatandaşı da sınırdışı edildi. Karadağ… pic.twitter.com/9181ixW80j
— Selâmi Haktan (@slmhktn) October 28, 2025
Поради сомнение дека сториле кривично дело насилно однесување на штета на тројца турски државјани, по наредба на државниот обвинител во Основното државно обвинителство во Подгорица, уапсени се Б. С. (26), Ф. Ѓ. (25) и М. П. (31) од Подгорица.
„Се сомнева дека тие физички нападнале турски државјани во населбата Забјело удирајќи ги со тупаници, со нозе и користејќи палки, а кои на овој начин добиле телесни повреди. При претресот од нивното возило се пронајдени и одземени факли и фантомки“, се вели во соопштението на Полициската управа.
Додаваат дека Т. Б. (24), Б. Б. (22) и Ф. Ј. (18) се уапсени за сторен прекршок од член 7 од Законот за јавниот ред и мир на штета на турски државјанин. Тие се осомничени дека синоќа физички нападнале турски државјанин во населбата Забјело.
Полицијата соопшти дека службеници на Секторот за гранична полиција – инспектори за странци, презеле 55 мерки против странски државјани.
„За време на активностите спроведени на територијата на Подгорица, издадени се 30 прекршочни налози, две лица се насилно отстранети, две се протерани од земјата, а на тројца странски државјани им е откажан престојот“, посочи црногорската полиција.
Пред два дена во подгоричката населба Забјело дојде до физичка пресметка пред угостителски објект, во која едно лице од Подгорица, М. Ј., беше повредено со нож. Полицијата идентификува и приведе две лица – еден турски и еден азербејџански државјанин – поврзани со случајот.
По нападот, следуваа масовни полициски контроли и приведувања – околу 45 турски и азербејџански државјани беа задржани во рамките на проверка на престој и документи, што предизвика реакции и во Турција од страна на државниот врв.
Во вечерните часови некои од граѓаните на Подгорица излегоа на улиците, при што беа забележани ксенофобични скандирања, оштетување возила и дополнителни полициски интервенции.
Регион
(Видео) Се урна дел од таван на пазар во Загреб
Дел од таванот се урна во хала на пазарот „Долац“ во Загреб. Пред влезот има редица муштерии, но на вратата е истакнат предупредувачки знак, а работниците објаснуваат дека халата денес е затворена.
Според информациите на хрватските медиуми, таванот се урнал утрово во левиот дел од пазарот, а влезот е блокиран додека не заврши поправката.
Работниците велат дека штетата треба да се санира до утре.
Регион
Курти: Единствено решение се нови избори
Косовскиот премиер Албин Курти, изјави дека нема друга опција освен одржување нови парламентарни избори, откако неговиот предлог за нова влада не го доби потребното мнозинство во парламентот.
Неговиот предлог бил поддржан од 56 пратеници, а биле потребни најмалку 61.
„Пред секој договор што ја искривува волјата на граѓаните, ние избираме избори. Земјата нема друг пат ниту начин освен нови избори“, изјави Курти.
Тој рече дека Демократскиот сојуз на Косово (ДСK) и Социјалдемократската иницијатива (НИСМА) одбиле да бидат дел од владата што тој ја предлага, и додаде дека тоа ја оневозможило и изборната соработка за изборот на нов претседател на Косово во март идната година.

