Германската канцеларка Ангела Меркел во среда ќе престојува во Албанија, а вечерва ќе допатува во Белград, каде ќе има средба со српскиот премиер Александар Вучиќ.

Германската канцеларка во четврток ќе има и разговори со српскиот претседател Томислав Николиќ, а според најавите за време на посетата на Белград ќе се состане и си претставници на цивилниот сектор, пишуваат српските медиуми.

Меркел во Белград доаѓа од Тирана, а во четврток ќе го посети и Сараево. Во пресрет на посетата на Тирана, Белград и Сараево, таа изјавила дека отворањето на преговарачките поглавја со Србија се поврзани и со напредокот во односите меѓу Белград и Приштина и истакнала дека и покрај потешкотиите во регионот, сепак, постои напредок.

Меркел во видео порака навела дека во дијалогот меѓу Белград и Приштина има уште многу што треба да се направи, но дека постојат добри знаци и дека сака процесот за се забрза.

Говорејќи за односите меѓу Србија и Албанија, германската канцеларка оценила дека тие се како „светлина и сенка“ и дека постои надеж дека ќе има подобра соработка, потсетувајќи на посетата на албанскиот премиер Еди Рама на Белград.

Германската канцеларка исто така оценила дека во Босна и Херцеговина политичката состојба сé уште стагнира и дека оваа земја сé уште не поднела кандидатура за членство во ЕУ./крај/мф/бс