Регион
Мистериозни сообраќајќи однесоа четири животи во БиХ

Четири лица загинале во низа мистериозни сообраќајни несреќи кои изминатите три дена се случиле на патот во централниот дел од Босна и Херцеговина кој ги поврзува Јајце и Бања Лука, а и натаму трае потрагата во водите на реката Врбас по телото на еден од настраданите, пишуваат во вторникот локалните медиуми.
Овој ткн „пат на смртта“, кој е главната врска меѓу централна Босна и Бања Лука, е позната по бројните трагични несреќи и важи за многу тесна и опасна, особено при лоши временски услови. Локалното население се жали дека не се поставени браници како заштита при излетување од патот, и оти водите од блиската акумулација и влагата од дождовите патот го претвораат во вистинско лизгалиште.
Спасувачките служби и нуркачите во понеделникот во матните води на Врбас успеале да пронајдат два автомобила кои во одвоени несреќи во неделата слетале од коловозот. Во нив се најдени телата на 25-годишна жителка на местото Лакташи и на 50-годишен маж од Бијелина.
Несреќите на автомобилите во кои двајцата настрадале на полицијата ѝ ги пријавиле сопатниците кои успеале да се извлечат од возилата, но спасувачите наишле на големо изненадување кога во реката откриле уште еден автомобил за чие исчезнување никој не ја известил полицијата.
Во автомобил „шкода“ со словенечки регистарски ознаки откриле тело на жена за којашто никој во околината не знаел која е.
Бањалучкиот дневен весник Независне новине пишува во вторникот дека по извлекувањето на автомобилот и обдукцијата, било утврдено дека станува збори за 48-годишна жена од местото Хрваќани, која живеела во Словенија.
Се покажало, исто така, дека во автомобилот во време на несреќата се наоѓал и незиниот 53-годишен сопруг. Меѓутоа, неговото тело го нема, а спасувачките екипи ја продолжуваат потрагата, бидејќи претпоставуваат дека го однела надојдената вода./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.