Регион
Митов: Бугарија има суверено право да ги штити своите граници

Бугарија има суверено право да ги заштити своите граници, порача бугарскиот министер за надворешни работи Даниел Митов во понеделникот во Скопје, во однос на испраќањето на хеликоптери и припадници на војската и полицијата на македонската граница поради актуелната мигрантска криза.
„Што се однесува до присуството на војска и полиција на границата со Македонија, Бугарија има суверено право да ги штити своите граници, и тоа го направивме и на границата со Турција“, изјави Митов, додавајќи дека сите земји од регионот треба да соработуваат при справувањето со овој проблеми и дека Македонијаи има право да побара помош од Европската унија (ЕУ) за справување со мигрантите.
Митов, исто така, ги негираше тврдењата дека голем дел од мигрантите ја заобиколуваат неговата земја поради нехуманиот третман од страна на бугарската полицијата, велејќи дека во Бугарија веќе подолго време има мигрантска криза и дека на територијата има доста мигранти.
„Ниту еден од бегалците што минал низ Македонија не се обидел да помине низ Бугарија и за мене тоа е на ниво на шпекулација“, изјави шефот на бугарската дипломатија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Украинско комбе се судри со руски камион во Словенија, петмина загинати

На автопатот кој ги поврзува Марибор и Љубљана, во близина на излезот Словенска Коњица, во правец на Љубљана, се случи тешка сообраќајна несреќа во која загинаа пет лица, а две се повредени. Несреќата се случила кога патничко комбе удрилo во камион. Сите жртви биле странски државјани, соопшти словенечката полиција, јавуваат медиумите во регионот.
Според досега утврденото, возачот на комбе со украински регистарски таблички, кое превезувало седум лица, поради несоодветна брзина, удрил во задниот дел од приколка која стоела во ред поради работи на автопат. Пет лица загинале во комбето на местото на несреќата.
Возачот, кој ја предизвикал несреќата, е полесно повреден, додека патничка е тешко повредена. Двајцата повредени се пренесени во болница, а тешко повреденото лице е пренесено со хеликоптер. Идентитетот на загинатите сè уште се утврдува.
Возачот на камионот, руски државјанин, не е повреден, но му е понудена психолошка помош поради сериозноста на несреќата, објавува Радиотелевизија Словенија. Несреќата се случила непосредно пред одморилиштето Тепање, на дел од автопатот каде што се во тек големи работи – се реновираат 13 километри пат, два тунела и три вијадукти. Полицијата потврди дека несреќата се случила пред работната зона каде што се формираат долги редици поради затворени ленти.
Фото: принтскрин
Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.