Регион
Најголемиот српски нарко-дилер уапсен за затајување данок
Во Белград во неделата утрото е уапсен Драгослав Космајац, кого српските власти го сметаат за најголемиот нарко дилер во Србија и еден од најголемите трговци со дрога во регионот, а на вонредната прес-конференција на тамошното министерство за внатрешни работи акцијата е споредена со случајот на легендарниот американски мафијаш Ал Капоне, имајќи предвид дека Космајац, е уапсен под обвинение за затајување данок, а не за трговија со дроги.
Драгослав Космајац и уште седуммина уапсени, се осомничени за соработување во кривични дела, и им е одреден 48-часовен притвор, а добиле адвокат по службена должност, бидејќи во Србија веќе два месеца трае штрајкот на околу 8.500 адвокати.Космајац бил уапсен во неговата куќа во Белград по четиримесечна истрага, четворица од неговите соработници се уапсени во Сремска Митровица, а другите во Белград и сите се државјани на Србија, изјави на прес-конференцијата министерот на полицијата, Небојша Стефановиќ.Во јуни годинава, српскиот премиер Александар Вучиќ, образложувајќи ги смените на шефовите на полициските управи, Космајац го означи како најголем нарко-дилер во Србија, тврдејќи дека во полицијата постои силен отпора тој да биде подвргнат на сериозна истрага и да го уапсат.Во врска со кривичните дела и трговијата со дроги се поврзувани и членови на семејството на Космајац, но министерот на полицијата во неделата претпладне изјави дека никој од неговите роднини во оваа акција не е уапсен и дека истрагата се темелела само на дела коишто можат брзо да се докажат.„Се концентриравме на она што може веднаш да се докаже, во смисла на имотот кој го поседува, а за кој не постојат докази за потеклото и даночни пријави. Потоа се отвора можноста за натамошни истраги“, изјави Стефановиќ, споредувајќи го случајот со истрагата на FBI и апсењето на Ал Капоне поради затајување на данокот.Уапсениот 61-годишен Драгослав Космајац во полициските акти датираат во МВР на Србија од 2001 година, под името „Бела книга“, се наведува како еден од најзначајните трговци со дроги, а српските медиуми го доведуваат во врска со меѓународните криумчари на кокаин од Јужна Америка, Турција, Бугарија и Македонија, преку Црно Гора и Србија, за земјите во западна Европа.Космајац, и покрај оперативните сознанија за трговијата со кокаин, никогаш поради тоа не бил уапсен, бидејќи полицијата против него никогаш немала доволни докази. Според белградските медиуми, важи за личност со сериозни врски во колумбиските картели, и своевремено бил еден од главните соработници на убиениот водач на ткн Земунски клан, Душан Спасојевиќ Шиптар, како и со уапсениот наро-бос Дарко Шариќ.Во неговата куќа оградена со висок ѕид и под видеонадзор, полицијата упадна и во јануари годинава, но тогаш не било пронајдено ништо освен оружје за коешто дозволи имале неговата сопруг аи неговиот син.Уапсениот Космајац во Белград има разгранет бизнис, од градежништво до детски градинки, а патувал со патна исправа на Словачка, која словачките власти му ја прогласиле за неважечка, доведувајќи ги во сомнеж условите кои го добил државјанство на Словачка.Космајац поседувал и биометриски пасош на Босна и Херцеговина, издадена во Требиње, а федералната телевизија на БиХ јави дека, повикувајќи се на податоци од полициските и разузнавачки служби, дека државјанството на БиХ го стекнал незаконски, најверојатно со фалсификувани податоци за престој од 1994 година.По отворените обвинувања за тргување со дроги, Космајац во јуни годинава побегна од Србија и извесно време престојуваше во Црна Гора каде што, според тврдењето на белградските медиуми, влегол како турист./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.