– Кукан и Николиќ

Советот од шефот на делегацијата на Европскиот парламент Едуард Кукан за претседателот на Србија Томислав Николиќ да не присуствува на традиционалната воена парада во руската престолнина Москва на 9-ти мај на Денот на победата, српскиот челник го отфрли велејќи дека е „непристојно да се даваат совети на некој кој ниту барал совет“, и дека ќе ја прифати поканата од рускиот претседател Владимир Путин и ќе присуствува на парадата.

Советот од шефот на делегацијата на Европскиот парламент Едуард Кукан за претседателот на Србија Томислав Николиќ да не присуствува на традиционалната воена парада во руската престолнина Москва на 9-ти мај на Денот на победата, српскиот челник го отфрли велејќи дека е „непристојно да се даваат совети на некој кој ниту барал совет“, и дека ќе ја прифати поканата од рускиот претседател Владимир Путин и ќе присуствува на парадата.

„Господинот Кукан попусто врши притисок врз претседателот на Република Србија да донесе одлука која не е во интерес на граѓаните на Србија. А мислењето на големото мнозинство граѓани е дека Србија треба да ги негува најдобрите односи со сите, па и со Руската Федерација“, соопштија во петокот од кабинетот на српскиот претседател Томислав Николиќ.

На ова соопштение му претходеше сугестијата на шефот на делегацијата на Европскиот парламент Едуард Кукан која ја објавија белградските медиуми, дека е „многу важно“ што српскиот претседател ќе прави во Москва.

„Доколку претседателот на Србија во текот на посетата на Русија, како и и другите западни шефови на држави само го посети споменикот на војниците загинати во Втората свеска војна, никој нема да го обвини. Тако тие денови ќе постапи, на пример, чешкиот претседател Милош Земан и германската канцеларка Ангела Меркел. Затоа многу е важно што вашиот претседател ќе прави во Москва, дали ќе оди на парадата или не“, го цитираа медиумите предупредувањето на Кукан дадено во текот на неговата дводневна посета на Белград.

На тоа следеше реакцијата на српскиот претседател во кое се нагласува дека Николиќ без дилеми го застапува „мислењето на мнозинството граѓани“дека „Србија треба да ги негува најдобрите односи со сите, па и со Руската Федерација“. „Претседателот Николиќ недвосмислено го застапува мислењето на мнозинството граѓани на Србија и никој нема да успее да го промени, па ниту господинот Кукан“, соопштија од кабинетот.

Белградскиот дневен весник Блиц пишуваше во петокот дека амбасадата на Руската Федерација во Србија потврдила дека Николиќ ја прифатил поканата на Путин да присуствува на традиционалната воена парада во Москва на 9-ти мај со којашто се одбележува Денот на победата над фашистичка Германија во Втората светска војна. Во текот на дводневната посета на Србија, Кукан изразил загриженоста и поради заедничките воени вежби на војските на Србија и Русија, коишто се најавени за септември годинава, пишува уште весникот.

„За тоа вчера разговарав со премиерот Александар Вучиќ и со другите функционери. Тие нé уверуваа, па дури тоа им го кажуваат и на Русите, дека Европската унија е приорите на оваа влада на Србија“, рече Кукан.

Кукан изјави и дека Европскиот парламент го поддржува отворањето на преговарачките поглавја со Србија оваа година. „Главната порака којашто ја носам во Брисел е дека Србија е на вистинскиот пат кон интегрирањето во ЕУ. Јасно е видлив напредокот кој го остварила. Секако, остануваат да се направат уште многу работи, меѓутоа, таа општа тенденција е најважна, таа е секако позитивна“, рече Кукан за медиумите во српскиот парламент откако им се обрати на пратениците./крај/мф/сн

Извор: Макфакс