Српскиот претседател Томислав Николиќ во средата изјавил дека одлуката којашто треба да биде донесена од страна на Извршниот совет на УНЕСКО во однос на приемот на Косово во оваа организација, нема да биде добра за Србија, пренесуваат тамошните медиуми.
 

Српскиот претседател Томислав Николиќ во средата изјавил дека одлуката којашто треба да биде донесена од страна на Извршниот совет на УНЕСКО во однос на приемот на Косово во оваа организација, нема да биде добра за Србија, пренесуваат тамошните медиуми.

„Можеби нешто ќе промениме, но денес сигурно нема да биде добро“, изјавил Николиќ, запрашан околу тоа кој е неговиот став доколку Извршниот одбор позитивно се изјасни во однос на членството на Косово.

Тој додал дека државата ќе продолжи да се бори против приемот на Косово и ќе го чека Генералното собрание на УНЕСКО во ноевмри, на кое Србија ќе обиде да го убеди цел свет да го одложи донесувањето на таква одлука до 2017-та година.

„Сакаме ова да го префрлиме во разговорите во Брисел, за Албанците веќе да не можат да не измамат, бидејќи тие сакаат да станат членови во секоја организација каде што можат преку прегласување да го постигнат тоа, а избегнуваат со нас да постигнат договор“, рекол српскиот претседател.

Извршниот совет на УНЕСКО во среда во Париз треба да ја донесе одлуката околу препораката за членството на Косово во оваа организација. Извршниот совет брои 58 членки, од кои 32 ја имаат признаено независноста на Косово, а 20 од нив го поддржале и предлогот на Албанија за приемот на Косово во УНЕСКО. Одлуката се донесува со мнозинство од гласовите.

Доколку на денешната седница на Извршниот совет, оваа препорака добие мнозинство гласови, тогаш конечната одлука за членството на Косово ќе биде донесена на Генералната конференција на УНЕСКО, која треба да се одржи од 3-ти до 18-ти ноември. На Генералната конференција учествуваат претставници од 195 земји членки, а секоја членка има по еден глас, додека за донесување на одлуката, пак, потребно е двотретинско мнозинство./крај/мф/бс