Регион
Нуланд во Тирана побара итен договор на власта и опозицијата за реформите

Помошникот државен секретар на САД, Викторија Нуланд, при посетата на Тирана, во неделата, побара итен договор на власта и опозицијата за реформите во правниот систем.
На средбите со албанскиот премиерот Еди Рама и лидерот на опозицијата Лулзим Баша, Нуланд, според албанските медиуми, рекла дека проблемите околу реформите треба да се надминат веднаш. Таа го пренела ставот на Вашингтон кој е сличен на оној на ЕУ дека земјата мора да ги надмине политичките натегања околу реформите во земјата особено оние во сферата на правниот систем, кои задаваат големи проблеми во развојот на Албанија.Медиумите во Тирана, исто така, нагласуваат дека Нуланд понудила и одредени предлози кои биле прифатени од страна на власта и опозицијата. Премиерот Рама изјави дека власта е подготвена да прифати секакво решение кое дава излез од кризата. Поради големите слабости во судството, но и другите правни институции во Албанија, има големи проблеми со криминалот, корпуцијата, што создава хаос во правниот систем на земјата, оценуваат албанските аналитичари, а како пример ја наведуваат големата кражба на пари во аеродромот „Ринаси“ од каде што крадците со подршка на инволвирани лице од обезбедувањето и полицијата украдоа еден милион евра и до сега нема ништо од истрагата./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Судири меѓу полицијата и демонстрантите во Бугарија, десничарите против воведувањето на еврото

Приврзаниците на крајната десница денеска се судрија со полицијата за време на протестот за поддршка на бугарската валута лев и против воведувањето на еврото, јавува Анадолија.
Протестот се одржа пред Бугарската народна банка (БНБ) и пред претставништвото на Европската комисија во Софија.
Демонстрантите се обидоа да упаднат во зградата на претставништвото на Европската унија, користејќи црвена боја, петарди и молотови коктели. Околу 10 полицајци се повредени, а шест лица се уапсени.
Демонстрантите потоа ја запалија вратата од зградата на претставништвото на Европската комисија во Бугарија, јави репортерот на БГНЕС.
Бугарските парламентарци минатата година усвоија нацрт-закон за преминување на еврото како национална валута од почетокот на 2025 година. Сепак, влезот во еврозоната беше одложен поради високата инфлација и други економски фактори.
Предлог-законот ги регулира принципите, рамката и процедурите за воведување на еврото во Бугарија и ги утврдува правилата и преоден период за да им се даде време на граѓаните да се прилагодат на новата валута.
Регион
Возач во БиХ наполнил гориво и побегнал без да плати

На бензинска пумпа во БИХ, непознато лице наполнило гориво и си заминало без да плати.
Покрената е истрага за кражба на гориво, веднаш реагирала полицијата, пишуваат тамошните медиуми.
Инцидентот го пријавил во полиција, вработен на бензинската пумпа.
По пријавата патролата веднаш излегла на терен и започнала истрага.
Регион
Вучиќ: Србија e една од најбезбедните земји во Европа

Претседателот Александар Вучиќ изјави дека Белград и Србија се меѓу најбезбедните градови или земји во Европа.
„Значи, државата и државните институции, и покрај валканата пропаганда на секојдневно ширење на несигурност, страв и се, си ја вршат својата работа на најчист можен начин и се погрижија денес и Белград како град и Србија како држава да бидат една од најбезбедните земји во Европа. Една од трите или четирите најбезбедни земји во Европа“, рече Вучиќ.
Тој наведе дека во 2001 година имало 3.140 разбојништва, а лани 496, дека во 2001 година имало 215 убиства, а во 2024 година 50 убиства и дека бројот на силувања е 3,4 пати помал од тогаш. Вучиќ додаде дека бројот на убиства постојано се намалува.
„Тоа значи дека воспоставивме добра соработка меѓу разузнавачко-безбедносниот сектор во целина и обезбедивме дa сме една од најбезбедните земји во Европа. Ова се добри резултати“, изјави Вучиќ.