Регион
Опозицијата во Албанија го откажа постигнатиот договор за реформите, состојбата напната

Албанската опозиција, доцна во средата, го откажа постигнатиот договор во текот на денот за реформите во правниот систем, поддржувајќи неочекувано еден предлог за рефомите на ЕУ.
Албанската опозиција, доцна во средата, го откажа постигнатиот договор во текот на денот за реформите во правниот систем, поддржувајќи неочекувано еден предлог за рефомите на ЕУ.
Во средата напладне беше постигнат договор на власта и опозицијата за реформите во кој имаше предлози на САД и ЕУ, но во кои доминираше предлогот на Викторија Нуланд, помошникот заменик-државен секретар на САД, која деновиве ја посети Тирана.Американската амбасада во Тирана упати остри критики на адреса на опозицијата, за која вели дека неочекувано го откажала постигнатиот договор пред денешното гласање на реформите во Собранието.Албанските медиуми, денеска, покрај другото, оценуват дека политичката состојба во земјата е затегната и дека во овој момент има политички дуел на ЕУ и САД во Албанија. Печатот нагласува дека власта на Албанија е на страна на САД, додека пак опозицијата на страна на ЕУ.Во Тирана, пред почетокот на Собранската седница која ќе се одржи во четврток, состојбата е напната./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.