Осомничената за самоубиствениот бомбашки напад од неделата во турската престолнина Анкара, Сехер Чагли Демир, нема никаква поврзаност со опозицискиот дневен весник Cumhuriyet, изјави уредничката на информативната редакција на изданието Ајше Сајин во понеделникот.

Претходно во понеделникот низа турски медиуми ја објавија фотографијата на Сехер Чагли Демир, за која турските власти тврдат дека била припадничка на забранетата Работничка партија на Курдистан (PKK) осомничена за нападот во Анкара, наведувајќи дека таа била новинар фриленсер на опозицискиот дневен весник Cumhuriyet.

„Ништо ниту приближно такво нема, погодени сме од појавувањето на таа информација. Ја проверивме сета наша документација, и во анкарската и во истанбулската редакција, но ништо поврзано со Демир не најдовме. Покрај тоа, нашиот весник воопшто не практикува соработка со фриленсери“, изјавила Сајин.

Додала дека адвокатите на весникот ќе се обратат до судот во однос на медиумите коишто ја проширија таквата информација. „Тоа е црна пропагандна кампања против нашиот весник“, истакнува уредничката на Cumhuriyet.

Дваесет ичетиригодишната Демир истрагата ја доведува во поврзаност со експлозијата од неделата навечер во центарот на Анкара во која загинаа 37 лица, меѓу кои најмалку еден терорист, а повредени се 125 луѓе од кои 71 е хоспитализиран.

Според очевидци, автомобилот бомба експлодирал меѓу два автобуса на фреквентната авенија Ататурк во анкарскиот кварт Кисилај, во близина на зградите на министерствата за правда и за внатрешни работи./крај/мф/сн

Извор: РИА Новости