Регион
Орбан се закани со апсење на побунети емигранти
Унгарскиот премиер Виктор Орбан предупреди во петокот дека унгарската полиција од следната седмица ќе презема поостри мерки против бранот мигранти коишто, како што вели, се побуниле против унгарските власти, ги заземаа железничките станица станици и одбиваат да се регистрираат.
Унгарија, којашто е клучна станица за бегалците и мигрантите на нивниот пат кон богатите и великодушни во поглед на азилот земји од Европската унија како Германија или Шведска, забрзано ја подига оградата по должината на границата со Србија којашто треба да биде завршена еден месец пред првично зададениот рок на 31-ви октомври, за да го сопре бранот бегалци.
Повеќе од 170.000 бегалци влегле во Унгарија од Србија од почетокот на 2015 година. Повеќето од нив не сакаат да бидат регистрирани во Унгарија, стравувајќи дека да не бидат задржани во оваа земја или подоцна да не бидат вратени во неа, како прва земја во којашто се регистрирани на територијата на Европската унија, и во моментов ја користат подготвеноста на Австрија и Германија да ги прифатат.
„Имајќи предвид дека се соочуваме со бунт на илегалните мигранти, полицијата добро ја врши својата работа, без употреба на сила“, изјави унгарскиот премиер Виктор Орбан по средбата со Манфрд Вебер, челникот на Европската народна партија (EPP) во Европскиот парлaмент, пренесува агенцијата Reuters.
„Ги заземаа железничките станици, одбиваат да дадат отпечатоци од прстите, не сакат да соработуваат и не сакаат да појдат на местата на коишто и добиле храна, вода и други продукти и медицинска грижа“, рече Орбан оценувајќи дека „тие се побуниле против унгарскиот правен поредок“.
Унгарскиот премиер најави дека од следната седмица, кога на сила ќе стапат построгите закони за имиграцијата, мигрантети кои илегално ќе ја минуваат унгарската граница ќе бидат апсени. „Од 15-ти септември унгарските власти нема да го простуваат илегалното преминување на границата“, порача Орбан.
Премиерот Орбан, исто така, ја повика ЕУ да ѝ помогне на Грција, првата земја во Унијата во којашто пристигнуваат имигрантите, главно од Сирија, Ирак и Авганистан, и што поскоро да донесе одлука за распоредување на европските сили на грчката граница коишто би им помогнале на грчките власти во спроведувањето на европските прописи.
Во Унгарија во вторникот беа донесени нови закони, според коишто илегалното минување на границата е кривично дело кое може да биде казнето со до три години затвор. Сечењето на оградата на границата, пак, може да биде казнето со до пет години затвор.
Унгарија презема интензивни напори за блокирање на бегалците на границата со Србија, па така министерот за одбрана Иштван Сомижко во петокот изјави дека 3.800 војници се испратени во пограничната зона за да се забрза подигнувањето на оградата висока меѓу 3,5 и 4 метри и долга 175 километри, којашто ќе се протега по еден дел од границата, додека другиот дел ќе биде обезбеден со бодликава жица. Тој за телевизијата TV2 рече дека војската ќе помогне во осигурувањето на границата. „Потребна ни е зајакната одбрана на границата, самата ограда не е доволна“, рече.
Унгарскиот парламент на 21-ви септември треба да одлучува за тоа дали на војската ќе ѝ дозволи заедно со полицијата да патролира по должината на границата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.