Регион
Пленковиќ: Силна порака со одбележувањето на 25-годишнината од опсадата на Вуковар

Хрватскиот премиер Андреј Пленковиќ изјавил дека одбележувањето на 25-годишнината од опсадата на Вуковар доаѓа во важен момент за земјата и дека испратена е силна порака на почитување за сите загинати хрватски бранители, нивните семејства, умрени, исчезнати и сите вуковарци кои го дале својот живот во Татковинската војна, пренесуваат хрватските медиуми.
Пленковиќ оценил дека секоја влада кон Вуковар имала политичка и морална обврска, а тие обврски ќе ги има и неговата влада. Запрашан околу неговиот став за двојазичноста во Вуковар, Пленковиќ одговорил дека јасно смета оти „се создава толерантна атмосфера во хрватското општество“ и дека во парламентарното мнозинство „учествуваат и претставниците на националните малцинства“.
„Како што знаете, статутарната одлука на градот Вуковар е на Уставниот суд и ја очекуваме неговата одлука, по што ние ќе донесеме соодветна одлука“, рекол тој. На седницата на владата во вуковарскиот дворец Елц, беа донесени многу одлуки за вложување во проекти за обнова и развој на градот, а според најавите во следниот период ќе бидат вложени близу осум милиони евра./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.