Регион
Пробиен кордонот во Хрватска, река од бегалци во Словенија
Српскиот министер за внатрешни работи, Небојша Стефановиќ во вторникот изјавил дека повеќе од четири илјади бегалци од Блискиот исток утрото го пробиле полицискиот кордон и влегле во Хрватска, пренесуваат српските медиуми.
„Помеѓу четири и пет илјади бегалци влегоа во Хрватска на тој начин што го пробија полицискиот кордон, ги скршија жиците и оградите, но овој проблем не се решава со жици и огради“, рекол Стефановиќ, додавајќи дека Србија очекува „веќе оваа недела“ некаква реакција од Европската унија (ЕУ) по повод бегалската криза.
Во моментов нема тензии, а бегалците сами се организираат и во групо од по 50 лица заминуваат на граничните премини во Хрватска. Тамошните медиуми во вторникот јавија дека стотина бегалци поминале без одобрение од хрватската полиција кај контролираниот граничен премин Бапска – Беркасово, кој утрово беше затворен, а околу две илјади бегалци потоа од страна на полицијата биле пуштени да поминат.
Телевизијата N1 јавува дека повеќето од бегалците го загубиле трпението и дека во Хрватска влегуваат и преку околните овоштарници. Полицијата ги повикувала да се вратат, но на ниеден друг начин не можела да ги спречи да влезат во Хрватска.
Vecerni list пак наведува дека полицијата околу пладне пропуштила околу две илјади бегалци преку преминот Бапска, а голем број на луѓе и натаму пристигнуваат до Беркасово на српска страна, каде има присуство и на српската полицијата.
Бидејќи Словенија последните два дена делимично го блокирала прифаќањето на бегалците, Хрватска исто така го успорила приемот на бегалци на подрачјето на Бапска, па поради тоа било воведено контролирано прифаќање. Хрватските медиуми известуваат дека бегалците на сите можни начини се обидуваат да влезат во Словенија, која го успорила нивното прифаќање, па често поминуваат и преку „зелената граница“.
Хрватска организирано ги носи бегалците на претходно договорените гранични премини, но и близу „зелената граница“, па така тие и самите поминуваат преку неконтролираните премини. Хрватскиот министер за внатрешни работи Ранко Остојиќ неколку пати повторил дека Хрватска може да задржи само половина од оние кои влегуваат во земјата, но дека останатите мора да се упатат потоа кон Словенија, која порача дека го прави истото, бидејќи бегалците се наоѓаат само во транзит и сакаат да одат во западните земји од ЕУ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.