Регион
Путин: Јужните енергетски рути остануваат на агендата
Прашањето за јужните правци за испорака на енергенси од Русија во земјите на Европската унија останува во агендата, пишува меѓу другото во написот на рускиот претседател Владимир Путин објавен во грчкиот весник Катимерини во четвртокот.
Прашањето за јужните правци за испорака на енергенси од Русија во земјите на Европската унија останува во агендата, пишува меѓу другото во написот на рускиот претседател Владимир Путин објавен во грчкиот весник Катимерини во четвртокот.
„Од 2006 година рускиот енергетски гигант „Газпром“ активно го промовираше проектот Јужен тек, но сепак во одредена етапа неговото спроведување беше оневозможено имајќи го предвид неконструктивниот став на Европската комисија“, пишува Путин и додава дека и покрај тоа што „ние бевме принуден да го затвориме проектот, прашањето за јужните рути за испораката на нашите енергенси во државите од ЕУ останува на дневниот ред“.
Во својата статија рускиот претседател истакнува дека Русија „постојано се залагаше за диферзификација на енергетските транспортни патишта, што ќе ја зголеми сигурноста на снабдувањето и, следствено, енергетската сигурност на Европа како целина“. Путин одбележува дека соработката со Грција во сферата на енергетиката е еден од поважните елементи во „повеќеслојните руско-грчки односи“. Напомнува дека веќе две децении Русија стабилно и сигурно ја снабдува Грција со природен гас, а сегашниот договор со Атина е продолжен до 2026 година со поволни услови за грчката страна.
„Запознаени сме со намерите на грчките власти да ја направат земјата енергетски јазол во регионот на Балканот, и ние секогаш ја вклучувавме Грција во плановите за зголемената понуда на енергенси во Централна и Западна Европа“, додава рускиот претседател.
Покрај тоа, Путин укажува во статијата дека во февруари „Газпром“ потпиша меморандум за разбирање со италијанската компанија „Edison SpA“ и со грчката „DEPA SA“ за испораки на природен гас од Русија по дното на Црното Море преку трети земји во Грција и во Италија.
Русија, исто така, би можела да придонесе и за оптимизација на грчката транспортна инфраструктура, пишува уште Путин. Станува збор за учество на руски бизнис структури на претстојните грчки тендери за продажба на имотите на железничките компании, објекти во солунското пристаниште…. .
Путин на 1-ви декември 2014 година објави дека поради заострувањето на односите на релација ЕУ-Русија нема да се реализира проектот Јужен тек во кој беше вклучена и Македонија, иако во неговата реализација беше вклучена и италијанската компанија Eni. Проектот за гасоводот беше проценет на 15,5 милијарди евра и предвидуваше доставување на природниот гас до јужна Европа, со заобиколување на Украина, во обем од 67 милијарди кубни метри гас на годишно ниво, а за негов јазол беше предвидена Бугарија.
Подоцна Москва започна преговори и потпиша низа договори со Анкара за ткн Турски тек, со истиот капацитет, кој поради избегнувањето на европските прописи претпоставуваше продажна на гасот на Турција, а главниот хаб да биде на турско-грчката граница, и секоја земја подоцна посебно да го планира своето приклучување. Но поради крајното заострување на руско-турските односи , се чини дека и овој проект засега нема перспектива./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик шест години не смее да врши јавна функција: бара помош од Трамп, Орбан и руската амбасада се на негова страна
Судот на Босна и Херцеговина соопшти дека претседателот на Република Српска (РС) Милорад Додик нема да може да извршува никаква јавна функција шест години, не само претседателската, според пресудата.
Лидерот на српскиот ентитет во Босна и Херцеговина е осуден на една година затвор и шестгодишна забрана за политичка активност поради неспроведување на одлуките на високиот меѓународен претставник Кристијан Шмит, пресуда што Додик ја отфрла.
Судот на БиХ првично објави дека Додик нема да може да биде претседател на РС шест години, а потоа испрати ново соопштение во кое објаснува дека оваа одлука, со оглед на промените во законот што ги наметна Шмит, вклучува и забрана за вршење на сите други функции што вклучуваат јавни пари.
Буквалното толкување на ова вклучува и забрана за извршување на функцијата претседател на владејачката СНСД ако партијата на Додик се финансира од буџетот.
Додик во меѓувреме побара меѓународна поддршка и го тагираше американскиот претседател Доналд Трамп на профилот на X, цитирајќи ги неговите зборови од 2024 година во кои повика на прекин на прогонот против него во САД. Тој го спореди својот случај со она што го доживеа Трамп, нагласувајќи дека тој, исто како Трамп, е жртва на политички прогон.
Руската амбасада во БиХ ја оцени пресудата како политичка и го нарече високиот меѓународен претставник „узурпер“.
„Затоа сите пресуди засновани на наводи за наводно кршење на одлуката на високиот претставник не се законски, туку чисто политизирани. Целата одговорност за евентуалната дестабилизација на внатрешнополитичката ситуација во земјата е на промоторите на оваа политичка акција“, соопшти амбасадата.
Унгарскиот премиер Виктор Орбан, исто така, го поддржа Додик, велејќи дека треба да се почитува одлуката на народот на РС кој го избра Додик за свој претседател.
It’s time for everyone to respect the decision of the PEOPLE of Republika Srpska, who elected @MiloradDodik as their President.
There is no place for legal witch-hunts in a democracy.
— Orbán Viktor (@PM_ViktorOrban) August 1, 2025
„Нема место за легален лов на вештерки во демократијата“, напиша Орбан на X.
Фото: ЕПА
Регион
Словенија воведе ембарго на оружје кон Израел
Словенечката влада на вчерашната седница, по предлог на премиерот Роберт Голоб, донесе одлука со која се забранува извоз и транзит на воено оружје и опрема од или преку Словенија за Израел. Исто така, се забранува и увоз на оружје од Израел.
Со оваа одлука Словенија стана првата европска држава што воведува целосна забрана за увоз, извоз и за транзит на оружје поврзано со Израел, истакнаа од кабинетот на премиерот, пренесе „Н1 Словенија“.
Откога Словенија пред две недели ги прогласи израелските министри Безалел Смотрич и Итамар Бен-Гвир за непожелни личности, владата донесе нови санкции против Израел поради насилството и кршењето на човековите права на Палестинците во Појасот Газа и на Западниот Брег.
Новата одлука следува по најавите на премиерот Голоб, кој повеќепати порача дека Словенија ќе дејствува самостојно доколку ЕУ не усвои конкретни мерки до средината на јули.
„Европската Унија, поради внатрешни несогласувања и неединство, моментно не е способна да ја исполни оваа задача“, соопшти словенечката влада.
„Луѓето во Газа умираат бидејќи системски им се оневозможува пристап до хуманитарна помош. Умираат под урнатини, без пристап до пивка вода, храна и основна здравствена нега. Станува збор за целосно блокирање на хуманитарниот пристап и свесно спречување на основните услови за преживување. Во вакви околности должност е на секоја одговорна држава да дејствува, дури и ако тоа значи да чекори пред другите“.
Словенија, како што се наведува, доследно и принципиелно се залага за почитување на меѓународното право и заштита на човековите права. Владата најави дека во следните недели ќе подготви дополнителни национални мерки против актуелната израелска влада, чиј начин на дејствување претставува сериозно кршење на меѓународното хуманитарно право.
Министерството за надворешни работи на Словенија во четвртокот ја повикало израелската амбасадорка во Љубљана, Рут Коен-Дар, на разговор и ѝ доставило протест поради неодржливата хуманитарна катастрофа во Газа, предизвикана од ограничувањето на пристапот до итна хуманитарна помош.
Регион
(Видео) Од топлотен бран до бури: силно невреме во Солун и на Халкидик
Силното невреме што го погоди Солун во четвртокот наутро предизвика проблеми кај населението.
Обилните дождови ги претворија главните патишта во реки, а локалните извештаи покажуваат дека шахтите пукнале под притисокот на водата, објавува „Товима“.
Πλημμύρισε το κέντρο της Θεσσαλονίκης και οι δρόμοι γύρω από το Βαρδάρη#tanea #taneagr #news #rain #βροχη #kairos #καιρος #weather #thessaloniki #skg #viral #summer #fyp pic.twitter.com/eYTi1EDe7y
— TA NEA (@ta_nea) July 31, 2025
Мотоциклист е повреден кога изгубил контрола на лизгава улица во центарот на градот, поточно на прометната авенија Цимиски.
Според анализите на феноменот преку страницата Weather Analysis на „Фејсбук“, за помалку од еден час се забележани 37 литри дожд на квадратен метар, количина што одговара на просечните вкупни врнежи од дожд за цел јули, пренесува медиумот.
Службите за цивилна заштита се во состојба на готовност бидејќи слични временски услови се очекуваат и во наредните денови според прогнозите, објавува grtimes.gr.
Обилни врнежи од дожд се регистрирани во Солун, на Халкидик и во Кукуш, како и на планинските делови во Епир, Тесалија, Спорадиските Острови и во некои делови од Тракија.
Фото: принтскрин
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
Честитка од претседателката Сиљановска-Давкова по повод 2 Август, Илинден – Денот на Републиката
Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката. „Илинден е сржта на...
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...
Браќа од Струшко нападнале семејство во возило во кое имало и деца, ја удирале жената со боксови и клоци
Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...
Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија
Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...
Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски
Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...
Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу
Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...
Маркетите да не прават трикови оти ограничувањата може да бидат годишни, не неделни или месечни, порача Мицкоски
Можни се годишни место неделни или месечни ограничувања на маржите за да се заузда растот на цените во маркетите. Премиерот...
Со ретровизорот ја удрил во главата и починала: обвинение за возач што имал слепило, а управувал товарно возило
Основното јавно обвинителство Кавадарци поднесе Обвинителен акт против едно лице за тешки дела против безбедноста на луѓето и имотот во...
Случајот со претседателката на антикорупциската комисија најматен настан за јули, според „Транспаренси“
„Транспаренси интернешнл – Македонија“ го објави редовниот месечен извештај „Бистро – матно“ за јули 2025 година, во кој се евидентирани...
Трамп ја објави листата на нови царини
Претседателот на САД, Доналд Трамп, потпиша извршна наредба со која се воведуваат повисоки царини за десетици земји во целиот свет...
Македонија со царина од 15 отсто
Американскиот претседател Доналд Трамп рано утрово по македонско време објави нови царински стапки. Македонија, доби стапка од 15 отсто, идентична...
Денес, втора седница на Советот за безбедност
Претседателката Гордана Сиљановска-Давкова ја свика втората седница на Советот за безбедност што ќе се одржи денес, 1 август, со почеток...
Во моментот нема активни пожари, надлежните апелираат да се внимава за Илинденските празници
Според податоците на Центарот за управување со кризи (ЦУК), заклучно со 18:00 часот , нема ниту еден активен пожар. Шест...
Автомобил се судри со автобус кај Тетово – тројца загинати, едно дете е повредено
Три лица го загубија животот, а едно дете е повредено во тешка сообраќајна несреќа што попладнево се случи на автопатот...
Трајно одземање на возилата за пијани и дрогирани возачи кои дивеат низ улиците – нови ригорозни мерки
Со новите измени на Законот за безбедност во сообраќајот, Законот за прекршоци и Кривичниот законик, на најнеодговорните учесници во сообраќајот...
Мицкоски: Eрес беше да се спомене македонски идентитет во време на претходната власт
На денешната седница во Собранието посветена на пратенички прашања премиерот Христијан Мицкоски со свој коментар за актуелните позиции во меѓународните...
