Романија се противи на системот за квотите кои го предлага Европската комисија за распределување на 160-те илјади бегалци и мигранти коишто веќе се наоѓаат на европската почва, изјави во четвртокот претседателот Клаус Иоханис.

„Сметаме дека тоа не претставува решение, ниту е пристојно да се зборува за задолжителни квоти, пресметани многу бирократски, речиси книговодствено, без советување со државите членки. Станува збор за човечки суштества, а не за предмети“, изјави за медиумите романскиот претседател Клаус Иоханис и истакна дека не е задоволен од планот за квотите на претседателот на Европската комисија, Жан-Клод Јункер. 

Иоханис додаде дека романскиот министер за внатрешни работи на клучниот состанок со неговите колеги од земјите членки на ЕУ во понеделникот од Брисел ќе го изрази противењето на Букурешт на тие квоти.

На барање на Јункер, Романија би требало да прими 4.646 бегалци во текот на две години, покрај 1.785-те бегалци кои претходно Букурешт ги предложи да ги прими по договорот постигнат во јули меѓу членките на ЕУ за распределбата на 40-те илјади бегалци кои пролетва пристигнаа во Италија и во Грција. 

Романија, којашто инаку е поштедена од бегалската криза, изрази солидарност со понудата да прифати голем број бегалци во однос на нејзините капацитети за прифаќање со коишто располага, истaкна претседателот Иоханис. Според ром,анските власти, земјата има шест центри за прифаќање со вкупно 1.500 места, од кои 20 отсто веќе се исполнети.

Во четвртокот Европскиот парламент со големо, мнозинство ги потврдил итните мерки кои ги предложи Јункер за подобро распределување на бегалците меѓу земјите од ЕУ, како и предлог за формирање механизам за постојана и задолжителна распределба. Европските пратеници притоа со резолуција предупредија на недоволната солидарност на владите во ЕУ во однос на барателите на азил./крај/мф/сн

Свет/Регион Романија против бегалските квоти на ЕУ Букурешт, 10.09.2015 (Макфакс) – Романија се противи на системот за квотите кои го предлага Европската комисија за распределување на 160-те илјади бегалци и мигранти коишто веќе се наоѓаат на европската почва, изјави во четвртокот претседателот Клаус Иоханис.

„Сметаме дека тоа не претставува решение, ниту е пристојно да се зборува за задолжителни квоти, пресметани многу бирократски, речиси книговодствено, без советување со државите членки. Станува збор за човечки суштества, а не за предмети“, изјави за медиумите романскиот претседател Клаус Иоханис и истакна дека не е задоволен од планот за квотите на претседателот на Европската комисија, Жан-Клод Јункер.

Иоханис додаде дека романскиот министер за внатрешни работи на клучниот состанок со неговите колеги од земјите членки на ЕУ во понеделникот од Брисел ќе го изрази противењето на Букурешт на тие квоти.

На барање на Јункер, Романија би требало да прими 4.646 бегалци во текот на две години, покрај 1.785-те бегалци кои претходно Букурешт ги предложи да ги прими по договорот постигнат во јули меѓу членките на ЕУ за распределбата на 40-те илјади бегалци кои пролетва пристигнаа во Италија и во Грција.

Романија, којашто инаку е поштедена од бегалската криза, изрази солидарност со понудата да прифати голем број бегалци во однос на нејзините капацитети за прифаќање со коишто располага, истaкна претседателот Иоханис. Според ром,анските власти, земјата има шест центри за прифаќање со вкупно 1.500 места, од кои 20 отсто веќе се исполнети.

Во четвртокот Европскиот парламент со големо, мнозинство ги потврдил итните мерки кои ги предложи Јункер за подобро распределување на бегалците меѓу земјите од ЕУ, како и предлог за формирање механизам за постојана и задолжителна распределба. Европските пратеници притоа со резолуција предупредија на недоволната солидарност на владите во ЕУ во однос на барателите на азил./крај/мф/сн

Извор: Reuters