Гневна група демонстранти поради руското уривање на рускиот борбен авион во вторникот кај сириско-турската граница, со камења,јајца и боја ја гаѓале амбасадата на Турција во Москва, пренесува турската државна агенција Anadolu.

Дописникот на агенцијата од руската престолнина извести дека прозорците од вториот и третиот кат на зградата на турската дипломатска мисија биле искршени. Фотографиите кои се поставени на Twitter се гледа дека просторот пред амбасадата на улицата Ростовски е прекриен со отпадоци.Дописникот на агенцијата Anadolu извести дека протестите првично во вторникот доцна попладнето биле мирни, но дека кога група демонстранти од околу 500 лица активисти на националистичката партија ЛДПР со партиски и знамиња на Русија и на Сирија, се собрала во средата, протестот станал насилен со гаѓање на зградата на амбасадата.Во нападот нема повредени, а дипломатски извори за весникот Hurriyet изјавил дека полицијата интервенирала по гаѓањата со цврсти предмети. Но овие ултранационалисти најавиле дека „ќе дојдат и утре“.Засега московската полиција не издаде соопштение за овој инцидент.Орхан Газигил, советник за односи со јавноста на турската амбасада во Москва, за Anadolu изјавил дека имало пропуст во безбедносните мерки пред зградата. „Улицата на која се наоѓа амбасадата требаше да биде целосно затворена за сообраќај, но полицијата не презема таква мерка, поради тоа што зградата беше оштетена“, додал.Во петокот вечерта во Истанбул група турски демонстранти протестирајќи против руските воздушни напади во Сирија, во кои, како што тврдат, е бомбардирано и тамошното туркофоно население, со јајца беше гаѓан конзулатот на Холандија, бидејќи демонстрантите ги побркале боите на знамињата, а рускиот конзулат е во непосредно соседство на холандскиот на авенијата Истикал./крај/мф/сн

Извор: Макфакс