Регион
Шешељ во петок треба да се обрати на собир во Белград
Воислав Шешељ уште во петок би требало да биде на слобода, јавија во четвртокот навечер белградските електронски медиуми, повикувајќи се на изјави на членови на семејството по вестите дека обвинетиот за воени злосторства во текот на војната во поранешна Југославија и водач на српските радикали ќе биде привремено пуштен на слобода поради лошото здравје.
Судскиот совет на Кривичниот суд за воени злосторства сторени на територијата на поранешна Југославија во Хаг одобрил привременото пуштање на слобода на Воислав Шешељ, а функционери од неговата Српска радикална партија (СРС) веќе најавија голем собир од кој Шешељ ќе им се обрати на граѓаните на Србија.Зоран Крстиќ од СРС тврди дека е „прашање на денови кога Шешељ ќе биде во Белград“, што зависи од процедурата на Хашкиот трибунал, додека синот на Шешељ, Александар, вели дека тој ќе допатува во Белград веќе во петок на 7-ми ноември, пренесува Блиц.Потпретседателот на СРС, Милорад Мирчиќ изјави дека во петокот ќе биде познат датумот која лидерот на српските радикали ќе допатува во Србија, но најави дека следната сабота во Белград ќе биде организиран митинг на кој ќе зборува Шешељ. Мурчиќ тврди дека судскиот совет на Трибуналот донело „одлука за безусловно пуштање“ на Шешељ, како и дека му е врачен текстот на таа одлука.„Доколку во Србија се живее подобро, Шешељ би го дочекале како голема жртва. Бидејжи живееме јадно и бедно, тој ќе биде единствената надеж и сламка за спас да нѐ извади од мочуриштето во кое галопирајќи нѐ внесоа премиерот на Србија Александар Вучиќ и претседателот на Србија Томислав Николиќ, инаку и двајцата поранешни членови на Српската радикална партија кои подоцна ја фомираа Српската напредна партија (СНС), го цитираат Мирчиќ белградските медиуми кој очекува „спонтано собирање на симпатизерите на СРС“ по повод доаѓањето на претседателот на партијата од Хаг.Судскиот совет на Хашкиот трибунал одлучил во четвртокот на Воислав Шешељ, чијашто здравствена состојба е влошена, привремено да биде пуштен на слобода за да може да добие здравствена нега во соодветни услови.Претходно во октомври српските медиуми пишуваа дека Шешељ боледува од рак на дебелото црево кој, по хируршката интервенција од летово, метастазирал во црниот дроб. Лекарскиот конзилиум кој го посети Шешељ во притворот минатата седмица соопшти дека во Хаг тој бил несоодветни лекуван и дека е животно загрозен.Претходно во четвртокот српската влада соопшти дека е подготвена да гарантира за привременото пуштање на слобода на лидерот на радикалите, Воислав Шешељ, доколку тој се обврзе да ги почитува барањата на Хашкиот трибунал, по барањето да се изјасни за можното пуштање на Шешељ од хашкиот притвор. Српската влада е загрижена поради новиот развој на настанати во поглед на здравствената состојба на Шешељ, се наведува во соопштението.Воислав Шешељ е обвинет за воени злосторства над Хрватите и Бошњаците во Хрватска и во Босна и Херцеговина, како и врз војводинските Хрвати./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.