Регион
Словенија пред признавање на независна Палестина
Комисијата за надворешна политика на словенечкиот парламент наскоро ќе расправа за иницијатива Словенија да ја признае независната палестинска држава, за што засега се залагаат две парти од левицата.
Комисијата за надворешна политика на словенечкиот парламент наскоро ќе расправа за иницијатива Словенија да ја признае независната палестинска држава, за што засега се залагаат две парти од левицата.
Партијата на Здружената левица (ZL), којашто има пет пратеника, во вторникот побара свикување итна седница на комисијата за надворешни работи на парламентот на Словенија за признавање на Палестина.
„Словенија со години веќе се колеба во поглед на решавањето на кризата на Блискиот исток и каска зад меѓународната заедница. Вистински момент е да заземеме проактивен став, а за признавањето на Палестина како независна држава се исполнети сите услови“, изјави на прес-конференција во Љубљана пратеникот на ZL, Матеј Ватовец, објаснувајќи ја иницијативата на неговата партија.
Ватовец додаде дека независноста на Палестина веќе ја признале повеќе од сто држави, дека за таквото признавање постои основа во резолуцијата на Обединетите нации од 1947 година, како и дека поттикнувањето за изјава за признавање на Палестина неодамна при посетата на Израел, на Западниот брег и на Појасот Газа, даде и високата претставничка на Европската унија за надворешна и безбедносна политика, Федерика Могерини.
Дека сметаат оти дошло времето Словенија да ја признае независната палестинска држава потврдија во вторникот и Социјалните демократи (SD) кои учествуваат во коалициската влада на премиерот Миро Церар.
„Жалиме што тоа веќе претходно не беше остварено. Партијата за тоа дефинитивен став ќе заземе во четврток“, изјави за словенечката новинска агенција STA пратеникот Матјаж Немец од SD, додавајќи дека се покажало оти политиката кон решавањето на блискоисточниот судир последните децении била погрешна.
Последните седмици со јавни изјави за признавање на независноста на Палестина се изјаснија и двајца пратеници од Словенија во Европскиот парламент, пратеничка од Социјалните демократи (SD) Тања Фајон и европратеникот од Демократската партија на пензионерите (DESUS) и поранешен министер за надворешни работи, Иво Вајгл.
Според палестинските претставници, 134 земји ја признале Палестина, од кои седум се членки на Европската унија коишто го сторија тоа пред влегувањето во ЕУ – Чешка, Унгарија, Полска, Бугарија, Романија, Малта и Кипар. Кон нив пред околу две седмици се придружи Шведска како првата западна држава од ЕУ којашто ја призна Палестина./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.