Жителите на словенечкиот град Целје беа шокирани во петокот од злосторство извршено на автобуска постојка пред локалниот трговски центар, кога маж со нож уби жена, наводно поранешна партнерка, а потоа избегал, јавуваат тамошните медиуми.

Според првичните изјави на очевидци и штурите информации од полицијата, којашто најави соопштение за случајот дури во понеделник, мажот со нож во вратот пресекол 33-годишна жена која на постојката била во друштво на пријателка, од што и покрај брзата лекарска помош која ѝ била укажана, наскоро починала.

Напаѓачот побегнал, но малку подоцна ѝ се предал на полицијата во местото Словенска Бистрица. Станува збор за 39-годишен словенечки државјанин, а 33-годишната жртва наводно е државјанин на Домениканската Република со која имале тригодишно дете, кое било со мажот кога се предал.

Извршен е увид, а мажот е притворен, а резултатите ќе бидат соопштени во понеделник на прес-конференција.

Медиумите алармираат дека според едно истражување, семејното насилство а особено насилството над жените во Словенија во текот на последните години е во голем раст. Речиси половината од жените кои умираат од насилна смрт ги усмртува нивниот поранешен и сегашен партнер, а од 2000 до 2011 година полицијата регистрирала 127 убиства и обиди за убиство, кои биле последица на кавга меѓу партнерите со трагичен крај. Притоа в9 72 отсто од случаите жртви биле жените./крај/мф/сн

Извор: STA/Delo