Црногорската полиција потврди дека во четвртокот претпладнето со камења била нападната зградата на амбасадата на Албанија во центарот на главниот град Подгорица, како и дека поради овој инцидент привела три лица за кои има сомневања дека учествувале во нападот.
 

Црногорската полиција потврди дека во четвртокот претпладнето со камења била нападната зградата на амбасадата на Албанија во центарот на главниот град Подгорица, како и дека поради овој инцидент привела три лица за кои има сомневања дека учествувале во нападот.

Црногорската полиција, исто така, соопшти дека во каменувањето нема повредени, ако и дека на амбасадата и на соседните згради е причинета минимална штета.

Медиумите во Подгорица пренесуваат дека во четвртокот околу 10.30 часот непознати лица со качулки на главите ја засипале албанската амбасада со камења. Од дипломатската мисија на Албанија во Црна гора одбиле да го коментираат инцидентот, потврдувајќи само дека на зградата на амбасадата се искршени прозорци.

Се смета дека инцидентот е прекинат со провокацијата и насилствата на квалификацискиот меч од вторникот навечер одигран на стадионот на Партизан во Белград меѓу фудбалските репрезентации на Србија и на Албанија кој беше прекинат откако пред крајот на првото полувреме над теренот се појави беспилотно летало на далечинско управување со знамето на Голема Албанија што предизвика тепачки на теренот и безредија на трибините.

Во врска со инцидентот во четвртокот се огласи и претседателот на црногорскиот парламент, Ранко Кривокапиќ, кој изјави дека „Црна Гора секогаш била дел од нечиј голем план“, како и дека не го загрижува тоа што дел од црногорската територија се најде на знамето со картата на Голема Албанија.

„Тоа што сите околу нас нé вцртуваат во некакви карти, не е причина ние да се грижиме, туку тие да се загрижат, бидејќи тоа се политики кои пропаднаа и кои секогаш пропаѓале. И во деведесеттите и претходно. Така што тоа е повеќе грижа на оние коишто ги цртаат, толку за нас кои постојано сме на нив, цел еден милениум“, рече Кривокапиќ.

Првиот црногорски парламентарец, исто така, може да се забележат обиди за враќање на Балканот на ситуацијата од деведесеттите години на минатиот век.

„Се обидуваат да го вратат (Балканот) на некои активности, но тоа е она што е постојан предизвик. Додека не се демократизираат општествата, не зајакнат институциите и не се интегрираме во Европската унија, додека владеењето на правото не биде доминантно, тие се подложни на манипулации“, рече Кривокапиќ и порача дека на оние кои лошо владеат секогаш им се потребни националистички поделби.

Кривокапиќ рече и дека нема намера да отвори расправа во парламентот, како што бараше црногорската опозиција, за инцидентите во поедини црногорски градови со мешано население, по натпреварот во Белград, која етничките Албанци излегоа на улиците да „прославуваат“.

„Не планирам да отворам расправа по повод нешто што се случува во друга држава и не видов никакви политички последици поради кои со тоа би требало да се занимава парламентот“, заклучи Кривикапиќ./крај/мф/сн

Извор: Макфакс