Регион
Србија нема да ја затвори амбасадата во Сирија
![](https://makfax.com.mk/wp-content/uploads/2016/10/sirija-7.jpg)
Србија нема да ја затвори амбасадата во Сирија и покрај заканата од Исламската држава упатена до домашниот персонал кој е ангажиран во дипломатското претставништво.
Србија не ги затвора своите дипломатско-конзуларни претставништва во кризните подрачја се додека постојат услови за пружање на конзуларна заштита на граѓаните на Србија, соопшти во средата српското министерство за надворешни работи.
Во соопштението се наведува дека српските дипломати, и покрај ризиците со кои се соочуваат, не ја напуштија Сирија, Ирак и Либија.
Во амбасадата на Сирија во Дамаск работи отправник на работи и петмина локални службеници, сириски државјани. Останатиот дел од дипломатскиот персонал од безбедносни причини во 20-12 година беше преселен во Бејрут, откаде ги следи збиднувањата во Сирија, што е и пракса на голем број на држави.
Минатата недела на адреса на амбасадата на Србија во Дамаск пристигна закана со лого на терористичката организација „Исламската држава Ирак и Левантот“ упатена до локалното сириско население.
„Колку што ни е познато, слична порака е упатена до сириските службеници во сите активни дипломатски претставништва во Дамаск, а Република Србија веќе ги презема и ќе продолжи да ги презема сите мерки на внимателност за да ја сочува безбедноста на својата амбасада во главниот град на Сирија, се вели во соопштението. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.