Регион
Штајнмаер бара брза депортација на имигрантите од Албанија, Косово и Македонија

Германскиот министер за надворешни работи Валтер Штајнмаер побарал забрзување на депортацијата од земјата на нелегалните имигранти од споменатите балкански земји, потврди дипломатот во интервјуто за весникот Bild.
„Таа група (имигранти од Западен Балкан –з.м) нема шанси да добие статус на бегалци. Оттаму, неопходно е брзо да се донесе јасно решение и да се дејствува според него“, истакнува шефот на германската дипломатија.
Штајнмаер притоа потцртува дека Албанија, Косово и Македонија бараат интегрирање со Европската унија, и признавањето на овие земји како сигурни во однос на почитувањето на човековите права, може да придонесе за решавањето на проблемот со нелегалната имиграција.
Германскиот министер, исто така, се залага и за рамноправно распределување на бегалците во земјите членки на Европската унија. Покрај тоа, според Штајнамер, неопходно е да се создаде поттик за луѓето да не ги напуштаат своите татковини.
„Европа е должна, не едноставно да учествува во судбината на земјите кои се јавуваат како главни извори на напливот бегалци и имигранти, туку јасно да ја демонстрира својата економска позиција“, додава Штајнмаер.
Бројот на имигранти и бегалци кои пристигнуваат во Германија двојно е зголемен во првата половина од 2015 година, споредено со истиот период лани. Нивниот број достигнал 179.000, од коишто, според Штајнмаер, 30 до 40 отсто потекнуваат од подрачјето на Западен Балкан./крај/мф/сн
Извор: Bil
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.