Регион
Турција го одби холандскиот предлог за имигрантите

Турција го одби предлогот на Холандија за разместување на 250.000 имигранти во земјите на Европската унија во замена турските власти да го оневозможат минувањето на имигрантите во Грција, објави EUobserver.
Холандија, којашто во моментов претседава со Европската унија, го изнела овој предлог, но турскиот амбасадор во ЕУ, Селим Јенел, за британскиот весник The Guardian уште во средата најави дека тој „нема да функционира“.
„Заборавете го тоа. Тоа е неприфатливо, а ниту е остварливо“, изјавил Јенел со многу сличен тон со кој за истата тема се изјаснил турскиот премиер Ахмет Давутоглу во текот на неговата посета на Хаг, пишува натаму EUobserver.
„Сметам дека е дволично некои кругови да ѝ кажуваат на Турција да ги ‘отвори раниците’, а истовремено не се во состојба да ѝ кажат на Русија – ‘Доста е’“, рекол Давутоглу мислејќи на неодамнешните повици на ЕУ до Турција да ги прифати беглаците од Сирија кои наводно бегаат пред нападите кои се поддржани од руската авијација во северната сириска покраина Алепо.
ЕУ преговара за укинување на визните ограничувања за турските државјани до октомври и сака да започне со враќањето на лицата на кои не им е одобрен азил, а кои пред летото минале низ Турција./крај/мф/сн
Извор: EUobserver
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.