Регион
Турција ја обвини IS за нападот во Истанбул
Екстремната сунитска организација Исламска држава (IS) е одговорна за самоубиствениот бомбашки напад во вторникот во Истанбул, во кој загинаа десет луѓе од кои девет се Германци, а напаѓачот влегол во земјата од соседна Сирија, објави турската влада.
Турскиот премиер Ахмет Давутоглу во телевизиското обраќање до нацијата за нападот ја обвини Исламската држава, ветувајќи дека ќе продолжи борбата против оваа џихадистичка организација. Давутоглу ги потврди претходните информации дека телефонски ја известил германската канцеларка Ангела Меркел. Претходно извори од неговиот кабинет изјавија дека девет од загинатите се германски државјани.
Сé уште никој ја нема преземено одговорноста за нападот во Истанбул кој се случи во 10.15 часот на плоштадот Султанахмет во близина на историските знаменитости и посетувани туристички дестинации Аја Софија и Сината џамија.
Германското министерство за надворешни работи објави дека е во контакт со турските власти и апелираше до своите државјани во Истанбул да ги избегнуваат местата на кои се собираат многу луѓе.
Во меѓувреме перуанското министерство за надворешни работи објави дека меѓу загинатите е и еден перуански државјанин, додека Перуанка е ранета во истиот напад.
Норвешкото министерство за надворешни работи, пак, потврди дека е еден нивен државјанин се здобил со „помали повреди“.
Турскиот вицепремиер Нуман Куртулмуш изјави дека напаѓачот влегол од соседна Сирија. Се верува дека станува збор за Сириец роден 1988 година, чии делови од телото се најдени на местото на нападот. Додаде дека во нападот се ранети 15 луѓе, од кои двајца се во тешка состојба, како и дека податоците за мртвите не го вклучуваат бомбашот.
Турските власти претходно Исламската држава ја обвинија за три големи самоубиствени напада од минатата година. Исламската држава, пак, никогаш не презема одговорност за ниеден напад во Турција. Турција од минатото лето започна борба со Исламската држава и со курдските милитантни на југоистокот земја.
Во Истанбул, исто така, дојде до спорадично насилство, а главно одговорноста ја преземаа радикалните левичарски групи.
Во експлозија на граната на аеродромот „Сабиха Ѓокчен“ на 23-ти декември загина едно лица, а одговорноста ја презема групата која се нарекува Соколи за слобода на Курдистан (ТАК) образложувајќи дека тоа е нејзин одговор „на фашистичките напади со кои курдските градови се претвораат во урнатини“.
Пред повеќе од една година жена се разнесе во полициската станица токму на плоштадот Султанахмет, убивајќи еден полицаец. Одговорноста ја презема радикалната лева група Револуционерна народна ослободителна партија/фронт (DHKP-C), а турските власти подоцна објавија дека жената била поврзана со исламистите.
Последниот поголем терористички напад во Истанбул се случи во 2003 година, кога милитанти најверојатно поврзани со Ал Каеда детонираа четири камиони бомби во два дена, при што загинаа најмалку 57 луѓе. Цели тогаш беа еврејски синагога, банка и британскиот конзулат./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.