Регион
Турција запрела 350 илегални имигранти на пат кон ЕУ

Турската крајбрежна стража привела 350 сириски илегални имигранти на југоистокот на Турција кои со брод се обидувале да дојдат до Европската унија.
Крајбрежната стража ноќта кон неделата кого запрела бродот кој пловел под монголско знаме, откако примила информации дека со него се превезуваат илегални имигранти.
На бродот биле уапсен 71 имигрант, и 279 на копно, додека во пристаништето во Мерсин чекале да се јачат, наведува агенцијата Anadolu. Според агенцијата, имигрантите, меѓу коишто имало и жени и деца, се обидувале да стасаат до Европската унија, најверојатно преку Италија.
Турската полиција уапсиле десет членови на екипажот и запленила гумени чамци користени за префрлување на имигрантите на бродот.
Турција прифати околу 1,8 милиони сириски бегалци кои бегаат пред судирите и стана своевидната раскрсница за приливите на имигранти во насока кон Европската унија.
Според податоците на локалните власти, минатата 2014 година во морето биле приведени 1.754 имигранти во близина на Мерсин. Турските власти ги зајакнаа операциите за контрола на бродовите коишто ги превезуваат имигрантите по неодамнешната несреќа во која загинаа близу 800 имигранти во морето крај Либија./крај/мф/сн
Извор: Anadolu
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.